هذه قصيده راشد الحليقى من الثابت يرثى بها غريُب بن ضيف الله بن معيقل
الشلاقى ( رحمهم الله حميعا ) حين مر على منزال غريب بالجزيره وشاف
مشب النار وبكى على المراح وقال هذه القصيده واصفا مغزى الثابت مع غريب
من الجزيره على تبوك ..
بديت باللى بيده الموت مامات=. بديت باللى بالخفيات يعلم
يالله ياخلاق فرض وصـلوات = انت الكريم وبيدك الرزق يقسم
يادار وين غريب ياحلــــولات=ماقال فوق مودُب الهجن يلزم
ابو عيونٍ كنهن وصف ساعات.=. مجوز هدب رموشهن يوم سلهم
وحنا غزينا مع زبون الونُيـات.= غريُب اللى فى خويه تلزُم
تسعين ليله نتبعه فوق زرفــات = محدن موجه وين رحنا على يم
من المانعى وردن بنا الجد والمات= وصبح ثلاثٍ فلهن بارد الجم
وردن الأعيلى والخراب المظلات=ومقر المعاصر نسهجه حين نجهم
وردن مغيرا كالقواس المحنــات = وقالو عزيب بأيسر عويرضٍ زم
وعشُن وهادن وامرحن مستريحات = والصبح هجن كالقظا يوم يلتم
وسبرٍ لنا بالوصف مثل النعامــات .= حمرٍ ياكن خدودهن واشعه دم
وعصيان اهلهن كلهن خيزرانات = يقداهن اللى بيده الرزق يقسم
طونُنا طوي الشنون المطــوات =وحنا طوينا كنُس الهجن ياعم
ونط الرقيبه راس عيطا طويلات = وبشُر غريُب قالوا المال يلتم
وراعيت يامثل الخيام المبنات = هدف الغوارب للمخاليل ترزم
وغرنا واخذانا جملة الطرش باقفات =نسرى ونجرى عن هل المال نهزم
وعزاة لوجيه النشاما واعــزات = ووجيههم من بوج الأديار تسحم
وخلا قطاعه مثل لون الخيـالات = اللى يجى فى لحيته عشرة انعم
ومن ظمن الكسب اللى كسبو ( ابل الصدقه والزكاة) وهى تابعه للملك عبدالعزبز
ومعه رعيانه ويوم شاف غريب الوسم وسأل الرعيان عزل البل ورجعه معه رعيانه
وقال سلمو لى على عمكم وقولو له هو حاكم وماياخذ الحاكم الا حاكم مثله وانا مارحت للعراق بغض له ولحكمه ولكن
يوم شفت الاخو يذبح اخوه (الاخوان ) وان شاء الله ويسر انى ارجع
وفعلا رجع وتوفى بالمدينه عليه رحمة الله
كان الا خ سنجار قد اورد حوالى خمسة ابيات وطلب اكمالها
وقد حصلت عليها وفضلت انزالها بموضوع مستقل حتى تأخذ
حقها من الأطلاع لا نها ملك لكل شمر