يانديبي سرعلى كور قطعيه = حرةً من ساس ذرواة مفروده
ماحلا زوله بدوه خلاويه = كنها الربدا عن الدوح مطروده
راكبه ياصاح ياطيب النيه = والضحى هذاك بالحزل منشوده
قل جرى يوم عبوس سمك فيه = زلزل الضلعان والقاع برعوده
بيننا كن الموازر ضحى الهيه = ضوح برق الصيف والهند مجروده
والجنايز مثل جدع الجناديه = قبل شرب الما على جال ماروده
والدما سالت على القاع سيليه = عشبها للطير والذيب وجنوده
ستة اغواش شعالين مع ميه = من رويلً كنها الحيد مرجوده
سلبو صبيان حايل قصاويه = وردوا وردً على الما ماكوده
لين بلوا كل نفس شقاويه = اشهد ان الطيب هم راس ماروده
يوم قام سعود ينخا الفداويه =زادت الغلمان والعز بسعوده
شيخنا زبن الونيه عن السيه = في نهارً يصبح الشيب مالوده