ولبٍ بصندوق الضماير مشــاكيـــــــــــن=ويش الحول عزي لحالي بحلـــه
ويش الحول ذاله بالاضمارعاميـــــــــــن=بين المحاني والسواعد محلـــه
كمَل كثير الصبر واستكمل البيـــــــــــــن=ولجا بلاجي مهجه الروح علــه
واركى بعازى بسرة القلب رمحــــــــــين=ونساني اللى قبل ذا فاطنٍ ٍلــــه
بسجون وهموم وهجس وشواطيـــــــن=ودمعٍ ٍعلى خدَي نظيري يهلــــه
مثل المطرمن موق عيني صليبـــــــــين=جنح الدجى والاش همه بظلـــه
ياحظ نايم خالي الهم ولـــــــــلديـــــــــن=مافطنه قلبه رسومٍ ٍ تدلـــــــــــه
ماخاف من غمس الليالي بتبيــــيــــــــن=ومن غاره الدنيا وكونه مذلــه
يحسب زهرها دايم الدوم له زيــــــــــن=ونعيمها وانعامها دايم ٍ لــــــــه
دنياك ياغادي تخيف المخيفـــــــــــــيـن=خفها ترى مركاًعليها مزلـــــــه
تقبل زمان ٍلك وتقفى زمانــــيــــــــــــن=والدور والآخر مقعدك به مملـه
تضحك وقلبه تمكن على شـــــــــــــين=وصورفرمان المحاسب تفلــــــه
تشرف على وشجاك منهامن الليـــــــن=وتحاسب عن دق طيبه وجلـــه
حتى انها تاخذ عن العشر عشريـــــــن=وتجرحك جرح مايدور دوالـــــه
مثل الذي قبلك رمتهم مغيبـــــيـــــــــن=مستامنين مادروا له بخلـــــــــه
جتهم فجاهٍ والفزوع متتلــــــيـــــــــــن=ماثمنو انه عليهم مغلـــــــــــــــه
صبت عليهم صايبات الاكاويــــــــــــن=حقت عليهم بالفنا مستهلـــــــــــه
امسوبذلً عقب ماهم عزيزيـــــــــــــن=وحكموا وقادواهم هل الحكم كلـه
خوانهٍ لوساعفت عصر وسنـــــــــيــن=عينتها من عقب طيبه بعلــــــــــه
تزهى وتبهى لك وتمهل لك الديــــــــن=وتطرب وتصفى لك على كل ملـه
لوامنت لا تامنه توري الليـــــــــــــــن=ويصعب عليك عنانها وتتلـــــــــه
اجزل عنه تاتى من الخشم والعيـــــــن=مادام شرعه بالسعد مستقــــــه
فان شح قطره مانسيت الموصيـــــــن=عن الردا والجود جودك تدلــــــه
تلقاه إلى رزت عليك النياشيـــــــــــــن=وكمت بجيش لك وخيل وخلــــــه
واضحت على خدك وسومه نياشيــــن=وتبصربها عقب العجاريف كلــــه
دنيا ولو صافيتها ماتصافيـــــــــــــــن=لوقدمت خير بشره تحلــــــــــــــــه
إن قدمت شره بخيره ترجويـــــــــــن=لوعاهدت فاعرف تراها بحلـــــــــه
حلفت ماصغى له بسمعي ولاالعيـــــن=ولااتسمى به وطاريه كلـــــــــــــه
اللى سعت بالبين بين المحبيـــــــــــن=تجزلت بفراق خلً وخلــــــــــــــــــه
خله تولى مع طريق المولييــــــــــــن=هواك لاياتي هواها هوى لــــــــــه
شم للعلى واقصد مغيث المقليـــــــــن=دنيا الى سلف جميله يتلـــــــــــــــه
دنياك مابه مالكينِ مكينيــــــــــــــــــن=كل عليه ابغير طيب مظلـــــــــــــــه
ياما اضعفت قوه ملوك قوييـــــــــــــن=وبعد انسهم عقب المعزه مذلــــــه
وياما هفت من روس قوم ٍرفيعيــــــــن=وياما خربت ملك ٍوازالت محــلـه
وين العريعروالشيوخ القديمـــــــيـــــن=وشيوخ الأجود وابن زامل ودلـــه
وين العوادى والوزراءوالسلاطيـــــــن=واللى سهج ماشاب تسعين حلـــه
واركت عليهم راس نابه بتمكيـــــــــــن=اللى هفا واللى حياته مذلـــــــــــه
ياواحد له بالغدارى مصليـــــــــــــــــن=خوف وخشعان ٍورجوى وذلـــــــه
ياخيَرلا مره ونهيه مطيعيــــــــــــــــن=ياسامع الداعي وهو ساجدٍلــــــــه
اسألك بأسماك العزيزه تكافيــــــــــــن=لاجى لجا محمل غرامي يتلــــــــه
بحق مابسطر طه وياسيــــــــــــــــن=تجلي عن اللى به من الدهرعلـــــه
قلبه إلى نامت عيون الغريقيــــــــــن=يلعى من الوجلا صدا ضيقهٍ لــــــه
والحال وطا حيلها واطي البيـــــــــن=يامعتلين اكوار مثل الأهلــــــــــــــه
فج صلاب ارقابهن كالعراجيـــــــــن=رمل ٍ بعيد الرَمل فتله تفلــــــــــــــه
هيمٍ ٍ علا كيمِ ٍ عليهن وهيميــــــــن=وصف القطا وطى الوطا ماتملـــــــه
حيل ٍ مناحيل ٍ عليهن محيلــــــــــين=غب السرى والسير مثل الأخلـــــــه
مراس مرَاس للامراس مرسيـــــن =مرس ٍمماريس ٍ بضحضاح ضلـــــه
هجن ٍ وهجوهن هل الهجن عجلين=بلجاج لجات اللجاج المكلـــــــــــــــه
فاجوا وساجوا فوق سحم مساحين=نطاح من شب وشابت حذالــــــــــــه
عن واهج الجوزا لبرد اللواويـــن=صفوا عليهن ماتلاهن متلـــــــــــــــه
صفوا على مثل اليعاسيب مقفيـــن=أملاط باوسامه مقابيس علـــــــــــــه
تذكروا عقب البطا الخرَد العيـــــن=لين الهوى قاد النضا من هوى لـــــه
عوَادلي ياراكب من غيرتوهيـــــن=من غير مامور عليكم لمن لـــــــــــه
مقدار مايندار بايديكم الصيــــــن=يثنى لكم كيف يفوح أبدلــــــــــــــــــــــه
ارسم برسم الصفح غالي التثامين=واثنى سلامي في مثاني السجلـــــــه
يجبالكم من فوق سود العرانيـــن=طرس ٍ وعبراتٍ بصدري محلــــــــــــه
لابد كم مني على الحيل منحيـــن=طارٍ ٍلكم وش خاطري طاري لــــــــــــه
سجَوا عليهن مثل ماانتومسيمين=تهرجوا باكوارهن مع مزلـــــــــــــــه
حنو قداماكان لحماه حانيــــــــــن=وانحوابعيس العوص راس الاخلـــــه
منى إلى من لي رفيق يعزيــــــــن=لا حان من زلات الأيام زلـــــــــــــــه
زبنى حمود اللى عن اللوم حاميـن=ظل يلجى الى اكملن الاظلـــــــــــــه
إلفوه مالفيتكم ياغلاميـــــــــــــــن=وابدو سلامي له وماقلت كلــــــــــــه
من سالكم عن الحال ماحل بالحيـن=قولوافوات صبي عينه فدالــــــــــه
من كثر زعجي لازرق الدمع كاوين=ويلي مكينٍ ٍ قد كوى القلب ملـــــه
ياحمود ويلي بالحشا زاد ويليـــــن=واخاف خيط الروح منها يسلــــــــه
ياحمود وليه زماني معاديـــــــــــن=سيفه على رمَانة القلب سلـــــــــــه
شوف الدَوالي والسبب لا تخليـــن=مادام قلبي شوف عيني يقلًـــــــــــه
يامن على عسر الليالي يشاكيــــن=عقد الرجا صدف المقادير حلــــــه
يفرج لمن يسهر إلى نامت العيــن=همي إلى كمَل زمانه يعلــــــــــــــه
ولب بصندوق الضمايرمشاكيــــن=ويش الحول عزي لحالي بحلــــــــه
وصلوا على سيد الملا مظهر الدين=واله وصحبه ومن تبع ملًةَ لـــــه
العوني
a
شاعرنجدالكبير وهوفي الكويت يشتكي لحمود
العرض العادي
