مساكم الله بالخير
اضع بين ايديكم هذه القصيده وهي من الجديد
وانشالله تنال على اعجابكم
الصدر فيه من القوافي روايات=لعلها تجلا عن الكبد كيه
ليا فاض سيل الشعر ثم جتك الابيات=مثل الشعيب ليا سقته برديه
قراح ماهو من سماح أو مرورات=ولاهو من الروضه ولا الحامريه
ولاهو مثل هداج لو عشر مرات=وأصفى من الوادي بنجد العذيه
يشدا نهر دجله وأعذب من فرات=وألا من العاصي وأحلى شويه
ليامن نخيته ساق لي بالجزيلات=وآخذ مع الطاروق روحه وجيه
وأقوم أغني به على كل مشهات=أما ضحى وألا عصير وعشيه
لوهي على غيري بيوته صعيبات=صعب على غيري وسهلٍ عليه
على الغزل سقت البيوت العفيفات=وغنيت بالمسحوب والسامريه
وعلى الوصف آصف بحالي معانات=ليه الزمن قاسي وأنا له ضحيه
وعلى العتب عاتبت من زل زلات=وغلطان منهو مايسامح خويه
وعلى الثنا أثني على أهل المهمات=وأهل المواقف باللقا والحميه
وعلى الوصف آصف بحالي معانات=ليه الزمن قاسي وأنا له ضحيه
وعلى العتب عاتبت من زل زلات=وغلطان منهو مايسامح خويه
وعلى الفخر أفخر بربعي بالابيات=شمر فخر ماهي عليكم خفيه
عند اللقا مثل الجبال الطويلات=وعند الرخا صبابة الشاذليه
كل الصعايب عند شمر سهالات=ياعزوتي ياعزوة الشمريه
هذا ولا أجحد للشغاميم وقفات=تشره ترى كل القبايل عليه
أقولها وأختم بها قولي أثبات=أجزع عن الهزله وأعاف الرديه
يـــاعــــزوتــــي يـــــاعــــــزوة الــشـــمـــريـــه
العرض العادي
