السلام عليكم ورحمة الله وبركاته
..
.
هذه قصيده في الشيخ // مشل التمياط
شيخ عشيرة التومان من قبيلة شمر ،،
عُرف الشيخ عند جميع الناس بالطيب والكرم
الى ان صارت تضرب به الأمثال ..
قال أحد الشعراء مادحاً أخو شاهه : -
عود برفحاء ودنا في وجاهـــــــــه=الله يمهل له بالأيام ويزيــــــــد
ويكفيه وقت باديا فيه عاهـــــــــــه=بدا بابن ضاري وسالم ومرعيد
ياحيف كبر السن ضام أخو شاهـه=الليث أبوزقام شيخ المساعيـــــد
مقدم ذرا السكتان حامي مياهــــــه=لوكان ماحطوا ركايا ولا غيــد
يقفي لشمر يوم للشط ناهـــــــــــه=لاضداد شمر يقضبون المراصيد
وماصال خصم نوخوا باتجاهـــــه=يكتب لهم مقحم وضيدان تعميد
وحتى القصير اللي يدرج شياهـــه= يسقونهن در البكر المصاعيــد
ولوهم ورا صحرا الحويقة ولاهه=ياتون مثل المزن نزر الرواعيد
يوم أن ظفرة صوتت بالمتاهــــــه=لأهل العنان وناقلين البواريـــد
فرحة بجية مسلط وأنتباهــــــــــه=تجفل عنه خيل المعادي تقل صيـد
وفرح شعيب العش وقبلي رداهـه=وجبال سرا وما حوى الجفر تسنيد
على صفيراء الخلف وغربي جلاهه=من ناظرة يسمع حنين المفاريـــد
شبع بها راع الذكا في دواهـــــــــه=صوته جذب خلج تراثع مع البيد
شبع الذكي هو والبليد الفهاهـــــــه=والخيل عن وجه الطنايا عراجيد
والشيخ ماخلوه فترت نقاهــــــــــه=وأبوه يشمت به مبيريك ورشيــد
صدوا عيا اللي تاه وأرياه باهــــه=يبي يبدل جبل رمان بمشيــــــد
دونه صيارم طي تبرز جباهــــــه=من دور بقاره وجرباه ووتيــد
ومسلط وعدوان السطر والنزاهه=وأبوطلال الشيخ وحمود وعبيد
لهم فوارس نجدتشهد شفاهــــــــه=باشعارهم نفي التهم والتقاليد
ومن راح حنا بحاجة القدر جاهه=كم حللوا قالو وفكو مقاييــــد
قالات نزهه عن دروب السفاهـه=رفع الضرر عن ظلم بعض الأجاويد
والحمدلله ماعلينا كراهــــــــــه=الا عن ابو زقام نحف التناشيــــد
ولنا العوض في من يحل أشتباهه=مادام ليث الغاب خلف صناديد