الأديب والمؤلف والباحث الحائلي :
فهد المارك .. رحمه الله .
او كما يسميّه البعض ( فهد المارق ) .
هو صاحب كتب ومؤلفات مشهوره
ولعل من ابرزها
" من شيَّم العرب " .
قال المارك
هذه المرثيه الرائعه
بالامير الراحل :
مشعل السعود العبد العزيز الرشيد .
عند وفاته .
قصة الأبيات :
كان فهد المارك يقيم في الطائف ولما عاد للرياض " مكان إقامة الامير " .
سأل الحاضرين في المجلس :
وين الامير ابي اسلم عليه ؟؟
فردوا عليه الامير يطلبك الحل !!
فكانت هذه الكلمات بمثابة الصدمه والفاجعه لـ فهد المارك !!
فخر مغشياً عليه .
وبعد ان فاق
ذهب لقبر الامير مشعل
يريد ان يسلم عليه ويقرأ الفاتحة على روحه الزكيه " بإذن الله " .
فلتواء لسانه وقال :
ياواحـدٍ فـوق السمـوات قـيـوم=يافزعه اللـي لاذبـه واستجـارى
أسألك ياجالي غثـى كـل مهمـوم=تفرج لمن نومه عن العيـن طـارى
ويحق دمع العين دايما ًعلـى الـدوم=والانس لمن مثلي حـرام وعـارى
نفس تطيب ومشعل فـوق بحـزوم=حدر الثرى دمـدم عليـه الغبـارى
عار ٍ عليَّ ان كـان ابستـر بالنـوم=والحال حل ابها البلـى والدمـارى
هجر الطرب والنوم والكيف ملزوم=فرض علي واجب ولابـه نكـارى
عليك ياحامـي مقامـه عـن اللـوم=ياسابـق جيلـه بصمـت ووقـارى
عليك غبنـي دايـم الـدوم مكتـوم=بين الحنايـا والحشـى والستـارى
امس اللحد مسرور وامسيت مهموم=العود بات بربـح وبـت بخسـارى
صنصيل ياما بك من العز مضمـوم=الله لحد ياعشـت طـول السكـارى
ليتك مخلى ساعـه تـدرج الحـوم=تعيش مـن كفـَّـك نجـوع فقـارى
لاشك مخلى بجثـت الهـر والبـوم=اصبحت تصادرك السمك والحبارى
" زيزوم غلبا" الياجبت بـارت الكـوم=وبارت الهنادي والتفـق والمهـارى
شب ونشى عن طورق اللوم معصوم=كود المروه والثنـى لـه جـوارى
مرحوم ياشيخ السناعيـس مرحـوم=مرحـوم ياترثـة ملـوك ٍ خيـارى
اطلب من اللي نزل الكهف والـروم=يغفـر ذنوبـك دقهـا والكـبـارى
آميييين يارحمـن يافـارض الصـوم=تجعل ثـرى قبـره نهـار تجـارى
لاتحسبني ساليـن عنـك لـو يـوم=ولاتحسبن صبري عليـك احتقـارى
منساك كان العين تسلى عـن النـوم=ولانساك كان الخلج تنسى الحوارى
مار أتصبّر دورب العقـل ملـزوم=واسلي واسير كن ما بـي غيـارى
وادرى الجلد لعداي والقلب مغمـوم=واضحك وانا كني على جال نـارى
وادرى شمات الاش والهزل والقوم=لو كان صم الساعد الجاش سـارى
على الذي تسربه النـاس معصـوم=ماشافـت العينيـن مثلـه جهـارى
عم ٍ ولد عم علـى الكيـف صـاروم=اخو عضيد اللي على الكيف صارى
ماعمر عاتبني ولـو كنـت مأسـوم=دايـم يرانـي محتـرم واعتبـاري
مار حرم علي ملايمه كل شغمـوم=عقبـك فلالـي بالصناديـد كـارى
ومني صلاة عـد ماهلـت رسـوم=على النبي مانـاض بـرق ونـارى
.
.
.
رحمة الله على الامير مشعل السعود الرشيد
وعلى الاديب فهد المارك .
وعلى كافة اموات المسلمين ...