بعد السلام وأرقى عبارات اللقاء والاحترام
مساء/ صباح الخير الرضا
من جديدي أرجوا ان تصل إلى حد رضاكم:
الزفرة اللي صوتها حيل محشور=وشلون بأكتمها عن أسماع همّاز
كنّيتها مير البلاء جت على الفور=وقفْت عاجز كنّ بالرجْل مخراز
حدّتْني أحزاني على الصمت مجبور=لين انتهى صمتي وأنا بوح بإيجاز
مشوار حبك يالغلا ليه محظور=أركض وردّتني عراقيل الإعجاز
بيرق غرامك داخل الروح منشور=رفرف بقلبي لكن الحظّ ما فاز
لهفي على لقياك لو من ورى سور=ألهف من الجايع على باب خبّاز
كنتي حديقة ورْدها ينْعش اصدور=واليوم بُعْدَك أَحْرَق الورْد بالقاز
ساق الأمل من غيْبتك صار مكسور=ما ينجبر عظمه ولا ءلقيت معكاز
ليت العمر من بيننا سنين وشهور=أو مسْكَنَك بالجوف وأنا بالأهواز
لأجل اللقاء من تجمعه صدْفَة شعور=ياللي بقى ودّك بدنياي مركاز
خليتني والدمع والثالث الجور=نكتب على جدار الهوى موت الإنجاز
وســلامتكم
أخوكم/
الـقـفـيـعـي - جليس الـدار
.gif){kind=icon}
{ لهفي على لقياك لو من ورى سور --&-- ألهف من الجايع على باب خبّاز }
رد: { لهفي على لقياك لو من ورى سور --&-- ألهف من الجايع على باب خبّاز }
العرض العادي
