بسم الله الرحمن الرحيم
الشاعر \مشعل بن عسام التريباني الشمري
((عتيبه الهيلا))
الاخوان الكرام منسوبي منتدا الروقه من قبيلة عتيبه الهيلا الافاضل السلام عليكم ورحمة الله وبركاته...
يسرني ويسعدني انظمامي الى هذا الصرح الشامخ منتداكم منتدا الروقه من عتيبه الهيلا وبهذه المناسبه اكتب لكم هذه الابيات المتواضعه امل ان تحوز على رضاكم والمعذره عن القصور انتم اكبر من القصيد ممالاشك فيه ولاكن تعبير عما يكنه ظميري لكم من محبه ....
سر ياقلم واكتب على بيض الورق شعرٍجديد ( 1 ) لعتيبه الهيلا صناديد الرجال اكتب ســـــــــــلام
سلام يالعتبان ياهل الطيب والفعل الفريــــــــد ( 2 ) لطامة العايل نهار الكون في وقت الزحــــــــام
سلام ياذبّاحة الحايل وياسقم الضديــــــــــــــد ( 3 ) سلام يالهيلا هلا النخوه مقابيس الظــــــــــــلام
سلام ياللي طيبكم عــم القريّب والبعيـــــــــــد ( 4 ) ارداهم اللي يانخيته جاك بالفزعــه شمــــــــــام
اولاد روق الى طرولي راق لي نظم القصيــد ( 5 ) ياسعد من شد الظهر فيهم الى حث الكـــــــــلام
وبرقا مقابيس الوغى برقا هلا الفعل الحميــــد ( 6 ) برقا صواريمٍ نهار الكون يروون الحســــــــام
اباكتب القيفان وامدحكم بها وارجع وازيــــــد ( 7 ) تستاهلون المدح ياحشامٍ تسلسل من حشــــــــام
انتم معرفتكم رصيد لكل من ماله رصيــــــــد ( 8 ) خويكم معكم مقـــــدّر مايرام ولايظــــــــــــــام
وانتم هلا النخوه صدق يوم الردي عنها يحيد ( 9 ) اللّي نخاكم ترفعونه فوق في راس السنــــــــــام
صيارمٍ من خلقت الدنيا فعايلكم اكيــــــــــــــد ( 10 ) افعالكم محدٍ جهلهـا من علـــى عهــــــد القدام
قلته وانا لي لابتٍ وافعالهاهل من مزيــــــــــد ( 11 ) ربعي يعشّون الذيابه يــوم شحات الطعــــــام
كبارالصحون وباسهم وقت اللقا باسٍ شديـــــد ( 12 ) وساع الطعون سيوفهم تكسر صليبات العظام
شمر هلا البوش العفر شمر هلا الراي السديد ( 13 ) شمر صناديد الرجال اللي يفكّون الجهـــــــــام