شايب من شيبان الرمال يهزم و يقطع يد فارس من فرسان مطير

بسم الله الرحمن الرحيم [/align]


يروي هذه القصه الشيخ فهد بن سراي ال زويمل وهو فارس من فرسان شمر يقول انه بعد سقوط حايل علي يد الملك عبدالعزيز بفتره اغار قوم من قبيلة مطير من مرتزقه الاخوان علي ابل له عندها ذهب الشيخ فهد الي مطير وضاف علي واحد من شيوخ مطير حتي يطلب استرداد ابله وبالفعل امر هذا الشيخ بارجاع ابل الشيخ فهد له وحلف عليه انه يتغدا وقام وذبح له وشوي الا واحد من رجال مطير دخل علي مجلس الشيخ وكانت يده اليمين مقطوعه وكان له هيبه ووقار عند مطير حيث انه من فرسان مطير المعروفين وعندها بدا بعض رجال مطير بمزاح الشيخ فهد ابن زويمل حيث يقولونه راحت عليكم يا شمر راح ابن رشيد وراح حكمكم عندها رد عليهم هذا المطيري مقطوع اليد وقال يا مطير وين راحت علي شمر وشايب من شيبانهم عمره فوق التسعين وظهره منحني ويده تهتز من الكبر يقطع يد فارس من فرسانكم وانت تعرفون فعلي بوقت المطاعن قالوا له والله ونعم فيك يابو فلان والله لا اذكر اسم هذا المطيري عندها قام الشيخ فهد ابن زويمل وسال المطيري عن سالفته مع الشمري فرد عليه المطيري وقال يابن زويمل بعد سقوط حايل اكثر جيش الاخوان غنم الكثير من الغنايم وانا يوم طالعت الا ماكسبت الا 3 نياق وماهن شي عندها قررت اني اتجه لشمال حايل بالتحديد لجبه ابي اكسب لي شي له قيمه وقال وانا بالطريق وكان الوقت عصر الا واحصل لي عرب يبون يرحلون للشمال وعندهم نياق ماشفت بحياتي مثلها وعندها بنت واقفه يقول سلمت علي البنت وردت يا هلا ومسهلا بالضيف قلت لها انا ماني ضيف انا غزاي قومي خذي لك ناقه لورعانكم والباقي هاتيه جاي قال وشوي الا اسمع صوت شايب كبير بالسن عمره فوق التسعين طلعلي وقال يا هلا ومرحبا تفضل يا ضيف الرحمن قالت له بنته يا يبا هذا مو ضيف هذا مطيري غزاي يبي حلالنا قال وصاح الشايب انا اخوي هيا مطيري وغازينا بديارنا وسل سيفه بسرعه غريبه وصاح صيحه منها جفلت الابل وصار له غبره قال والابل هجت وضاعت الطاسه وقال وانا انزل من فرسي وماسك سيفي بيدي اليمين متخوف وحاط ظهري علي جنب ناقه من الخرعه قال وشوي الا الشمري ناقزن علي تقول من فوق السما وضرب يدي اليمين ضربه الا هو قاطع يدي ومطيح سيفي قال عندها هربت ورحت اركض بين الابل ليما جتني دوخه من كثره نزيف الدم الي نزفته من يدي ورحت قطيت نفسي بشجره عرفج وفقدت الوعي قال بعد مده وعيت من دوختي الا والشايب ماسكن سيفه ومعلق سيفي الي طاح مني برقبته وهو يقول لبنته يابنتي تراني ماشوف زين دوريلي المطيري هو وين تغيب والله مايشفييني الا قطعة رقبته قال ووقتها الشمس غايبه بحزت المغرب قال يوم ابعد الشمري وهو يدورني رحت وناديت البنت وانا بوسط العرفج وقلت لها يابنت الاجاويد انتو من اي شمر قالت حنا من الرمال قلتلها يابنت الاجاويد يدي اليمين انقطعت وسيفي وفرسي خذاها ابوك فالله يرحم والدينك انا وحيد امي ومالها الا انا والحين قاعده تنتظرني ارجع لها فتكفين خلي ابوك يرحل ويتركني بحالي وتوبه والله ماجي دياركم لا تدلينه علي محلي تكفين قالت لي ابشر قال واسمع صوتها تقول يا يبا خلاص المطيري جاه ما كفاه قطعت يده وخذت فرسه وشعاد تبي خل نرحل ونلحق ربعنا قبل لايجينا جيش الاخوان قال والله يابنتي مايبرد حرقت قلبي الا راسه ولا كيف عقب ماحنا نغزيهم بديارهم ونقعد بديارهم اشهر وسنين هم يغزونا الحين؟؟ قالت يا يبا ذاك شي وراح خل نمشي الحين قبل اليل يظلم علينا قال وعندها اقتنع شايبها ورحلوا ويوم تاكدت انه راح وورحل رجعت ونمت بشجرتي لما اصبح الصبح ورجعت لكم بحالتي هاذي وشلون عقب الي صار تقولون راحت عليكم يا شمر والله مايروح عليهم شي دام هالشايب منهم وفيهم .

رحم الله هذا البطل الشمري الرمالي ورحم الله المطيري الي شهد شهاده الحق وماظلم حظه وقال الصحيح ورحم الله الشيخ فهد ابن زويمل .

 

 

 

 

 

 

 

 

 

 

اخوي توارن الله يعطيك الف عافيه على الموضوع الطيب والله ونعم بالرمال وابو سراي الزويمل
تحيــــــــــــــــــــــاتي

 

 

 

 

 

 

 

 

 

 

الأخ / توارن 2005

شكرا لك قصة تحكي عن شجاعة وبسالة أحد رجال الرمال من شمر
بارك الله فيك ورحم الله أموات المسلمين عامه الذين تركوا لهم بصمات نفخر بها 0

تقبل أطيب تحياتي ,,,

 

 

 

 

 

 

 

 

 

 

لا شكر علي واجب يا اخواني الكرام واجبنا التاريخي ان نذكر مفاخر اجدادنا وبطولاتهم

 

 

 

 

 

 

 

 

 

 

الاخ العزيز توارن
السلام عليكم ورحمه الله وبركاته
والف شكر لك على طرح هذه السوالف الطيبه
والتي كان بطلها أحد رجال الرمال ..
الف شكر لك وننتظر منك المزيد من هذه القصص
والسوالف الطيبه والمشرفه .
تحياتي لك

 

 

 

 

 

 

 

 

 

 

يعطيك العافيه علي المشاركه

والله لايهينك

تحيتي

 

 

 

 

 

 

 

 

 

 

تسلم يمينك ياتوارن

 

 

 

 

 

 

 

 

 

 

الله يعطيك العافيه لاهنت ياغااالي

 

 

 

 

 

 

 

 

 

 

ونعم ماهي غريبه عليهم(اهل البيت الرفيع)

 

 

 

 

 

 

 

 

 

 

مشكووور أخووووووووي على المشاااا111ركهـ الرائعهـ,,,,,

تقبل مروري...

أبــ حــواس ـــو