قصيده للشاعر ضاهر عدهان الشمري في رثاء
اخو جوزاء
شيخ قبيلة المسعود من شمر
الشيخ عبدالله بن عواد بن اللغيصم
يرحمه الله
يالله يالي خالق آدم من الطين = ترفع عزايمنا وتجبر عزانا
في فقد عبدالله طليق الحجاجين = ضاقت علينا الارض واضلم سمانا
لو الدموع الي تضارف من العين = تنفع بكينا وما نوقف بكانا
نبكي على فقد الرجال الكريمين = الي يمانيهم بها الطيب بانا
من حقنا نبغى الرجال الميامين = الي على الشدات تاقف معانا
ابو نجم فارس جميع الميادين = عزز شواربنا وكرم لحانا
ترثيه شمر من بعيد وقريبين = وجبال حايل والجزيره ورانا
راع الحميا خره العسر واللين = رمز المفاخر والقيم والحسانا
وجيهنا عند الرجال السلاطين = مسعد خواطرنا ومزعل عدانا
لو مبتغانا فوق نجم النجيدين = جاهد وحقق بالوفا مبتغانا
مفتاحنا في معلقات القوانين = واذا اعصبت هوج العواصف ذرانا
يلقف مع المحتاج ويد ويعين = قرر مصايرنا وشيد بنانا
من غيرنا يا ما لوفوله مسمين = بالطيب يعطيهم مثل ما عطانا
مرحوم يمن باع دنياه بالدين = ندعي له الرحمن يقبل دعانا
عساه للجنه مقام وتوطين = في رحمة الله ربنا ملتجانا
وعسى البقى بالي على العهد باقين = لعل فيهم ما يخيب رجانا
عيال عبدالله رجال عزيزين = في نهج عبدالله عليهم رضانا
ترى الامانه عندكم تعتبر دين = امانة المرحوم قايد لوانا
تجملو مادام بالجهد تمكين = باقرابنا واصحابنا وخويانا
(للامانـه منقـول)