اصيح في اربع جهات المستحيل ابي (أمل) = ويرد صوتن لعنبو حيك طلبت المستحيل
ان كان في خرم ابرتك قادر تفوت لك جمل = ماضنتي تقدر تجغم في اناه السلسبيل
ياصاحبي ماتت حروف/ ومات بالجمله جمل = ياصاحبي ونت الكسوف/ اللي طعن ظهر المقيل
قعدت ادور بالغياب/ غياب/ واعد الرمل = وانا اتصفح بالكتاب/ عتاب/ من وزنن ثقيل
مليت من وجه الزمان/ الموحش الكدر الممل = حتيش لو اني حصان/ وكل صرخاتي صهيل
ماتنفع الهقوه/ اذا ماكانت بقلب وصمل = وماتروي الشكوه/ اذا ماكان في حثلك صميل
ياهيه يابنت الدلال ابسئلك جيتي حمل؟ = ولا من الجنه ولدتي قبل لانسريك ليل
يالمترفه ياليوسفيه يالبدر لامن كمل = يافتنه الارض اسئلك وش عاد باقي بالرحيل
مليت الملمني جروح/ بجرحي اللي مادمل = مليت مابلروح روح/ ومابقى غير النحيل
خارت قواي ومابقى في جعبه الساحر عمل = ماعاد باقي في سباء هاروت غيرك يالدليل
وماعاد باقي للطهر في داخل الثوب الطمل = الااني انشر للملا قصه علا حبل الغسيل
ماللثماله/ صاحبي شرهه علا العقل الثمل = وماللجماله/ مدخلن لاخافت بعين الدخيل
وزاملك لامنه زمل/ زاملك لامنه زمل = اما يموت بذمتي ولا يجيب المستحيل