يقـول منهـو هيضنـه معانـيـه=وقريحته عند الطلب قالت اجيـب
القاف يدعيني وانا اقـوم وادعيـه=على وجب ضيف دعوه المعازيب
لاماخدمني هرجـة الغـر والتيـه=انا يقينـي فـوق كـل الاساليـب
واللي يبـي لازم لـزوم تباريـه=مايقدر الحصني على جندلة ذيـب
يالايم ن جرح الزمن مع بلاويـه=انت احتسبها والليالـي رواقيـب
وعلى الله الباري تفاريـج خافيـه=مانعتلم علم الخفـا هويـا الغيـب
والخاطر اللي طيبة النفس تكفيـه=مات وغدت روحه بوسط المتاعيب
الياس ياس وظلمة اليـاس توريـه=والهيبة الهيبـة تهيـب ولا تهيـب
احدن لحق عمره مناوي شفاويـه=لوهو لكيع الكع من ابليس تخريب
واحدن له الاقدار تقـرط وترميـه=وتلعب به الدنيا شمـال وتغريـب
وتطعن به الغفلة خساسات تنبيـه=الله لايسامح على هرجـة العيـب
تقاطعتنـا عالـم كـلـه وجـيـه=عسى هتارتهم عليهـم ضوابيـب
واللي مايعرف الطير ياكود يشويه=عسى يمينه تنشـوي بالشلاهيـب
واللي حمولـك ماتهمـه وتطنيـه=هـذاك خلـه للخنـا والتخاييـب
يكفي يقين الحق والحـق توجيـه=ونوب تناحا عن نجاتـك بتعذيـب
من عاش بالدنيـا تسلـي تسليـه=لكن وش المطلوب يااهل المطاليب
زرت خساس وما احد قال له ليه=خوفوا من الذمة تموت القواصيب
وياماتت الشيمة وش اللي تراجيـه=النفس عزت شيمتـه بالمراقيـب
ومايزبن اللوقي على شان راعيـه=من ناب ناب ونوبته حق مصيـب
ويظهر لكم نور العرب من مراعيه=وياهاوي الغبنة تر الضيق تحسيب
وتر السعادة زبـدة الشـي تاليـه=ولاعاد ترهـم للواهيـق تركيـب
وش فيه لكن ناتج الشي وش فيـه=ومايرشد البايه وجوب المواجيـب
وان صار حتى العلم بالعلم نافيـه=كره النكاير من حقور الا لاليـب
((بدون عنوان))
العرض العادي
