(( من قال ذا حدي فلا هو بغادي ))

مبداي باسم اللي عليه اعتمادي=غفار عن عبده خطا كل سيه
علام مايخفا بجوف الفوادي=منشي من المنشاء مزون قويه
اللي كفل جميع رزق العبادي=علام مكنون الصدور الخفيه
ارسى على البيدا قوي الوتادي=وسير معيشات الملا والبقيه
من بعد ذكره قلت قاف جوادي=تصخير فكري والقريحة مليه
وللقاف ياورد عليه مبادي=علاقة بين الخوي وخويه
تعبير جاشي والمثايل جدادي=واطرق بهن نهج العلن والسويه
خذيت بالامثال كامل مرادي=لاغلق الماقف على المقدريه
فيها مجالي والبيوت اعتمادي=وحرف على الساحوب والا مجيه
والشعر والشاعر علاقة سنادي=ماتقبل التأنيب والا الضحيه
لي لابة يوم السيوف الحدادي=يارد بهم من شاف ضيم اللزيه
غلبا اليا ولع فتيل الطرادي=نديدهم حامت عليه المنيه
وياناعر الغلبا اليا قوم عادي=وش يشرح المفهوم هات البريه
موضوع مقصودي على كل بادي=مالفقه راع البيوت الرديه
امدح ومدحي للرجال النوادي=سباع طي اللابة الشمريه
وان عد مشدود السلف والشدادي=ربعي هل الهية على كل هيه
اخيار عزوه ماعليهم سوادي=ماكر عروبة والليالي طريه
ومن كان يادونه ركون الحمادي=بين امس واليوم وقول جهريه
أخير منه موضحات الحصادي=اللي مساعدهن رجال نقيه
علوم صدق ماجموعها السرادي=اللي على بعض الظنون شفويه
مادريوا ان الوقت لاساد سادي=والنفس نعمه والرجال نقويه
ومن قال ذا حدي فلا هو بغادي=دحوش الرجال احسن لهم مجزليه
والا مهاكيع التلف للمزادي=معروف في سي الظنون اللضيه
وياهايم العليا بكل المبادي=ترى حياة العبد محصول حيه
والا معابير النكايد نكادي=ماهي على طول السنين محميه
وان باد ناب الداب تراه بادي=مايقبل التصريف والمعرفيه
لانا كما راس الطويل المشادي=راس المنيف اللي قديم رسيه
هذي لنا عاده وهذي بوادي=وحنا هل التاريخ والمقدريه
جيل يعده عن ثمين الوكادي=ماكن في خافي خفيه خفيه
لنا على الطولة مقام ومجادي=اسياد قوم ولادرينا الهفيه
ولانسب من الحمايل اسيادي=الناس كل له مقام وبديه

 

 

 

 

 

 

 

 

 

 

ناجح الرمالي

صح السانك الــــف على هذه القصيده الرائعه والمعبره
ودائما انت جزل بكل قصائدك
خمس نجوووم وتثبيت

لاعدمتك

 

 

 

 

 

 

 

 

 

 

الف شكر يالسكبه على المرور

 

 

 

 

 

 

 

 

 

 

والشعر والشاعر علاقة سنـادي
ماتقبـل التأنيـب والا الضحيـه
لي لابة يوم السيـوف الحـدادي
يارد بهم من شاف ضيـم اللزيـه
غلبا اليا ولـع فتيـل الطـرادي
نديدهـم حامـت عليـه المنيـه

والله ونعم وصح الله لسانككك مليووون

 

 

 

 

 

 

 

 

 

 

صح بدنك اخوي بدر ابن خمسان تشرفت بمرورك لاهنت