مـــا للبــلاوي يـــالــربع غــــيــر اهــلــهــــا
ان وسوس الشيطان والنفس ضاقه=حماقة الجهال ما انا من أهلها
وان جتني الزلّة من احدى الرفاقه = افتح لها بابٍ فضي واحتملها
والصاحب اللي في اسلوبه حماقه= اصبر على عوجاه وأنا جملها
احمل حمل وأحط فوقه علاقه = ماللبلاوي يا لربع غير أهلها
اقدّر الأصحاب واحمي الصداقه=وأجزى راع الشينة بزينه بدلها
مار البلاء اللي مايجي باللباقة = خبلٍ جرح روحك وكبدك دبلها
هذاك والله لو حصل لك فراقه=تسجد شكر وتقول يارب اطلها
وياحي مطنوخٍ قباله أشفاقه=روحه على حسن التعامل جبلها
صدره فضيْ وفاتحن فيه طاقه=هذا خرج منها وهذا دخلها
مثل العسل سلسٍ وحلو ٍ مذاقه= من حشرةٍ لكن غلبها عسلها
وياحي عشّاق المراجل عشاقه= نفسه على باب المراجل عقلها
مزبان للي قاسي الوقت ساقة= يفزع ونفسه مايجيها مللها
بشوش وجه وفي حجاجه طلاقه=وسفينته دايم يصلّح عطلها
وياحي من قوّى مع الله وثاقه=يخشى عذابه ساعةٍ مايحملها
دايم وهو بالله قوي العلاقه= يعمل قبل روحه يجيها اجلها
يبي ليا من لِف ساقه بساقه= والكل يجزى في امورٍ عملها
به يتقي حر الجحيم وحراقه=ويبقى على ربك بواقي املها
وصلوا على اللي بذكره النفس راقه=امين صادق والرساله حملها
سطم فهد الخليل
مـــا للبــلاوي يـــالــربع غــــيــر اهــلــهــــا
العرض العادي
