ياإله الكــــون يا منشي الغمـام
البصير اللي على الدنيا بصير
العزيز الغافر، اللــي ، ماينام
الحليم المؤمن ، الرب الكبير
السميع الرافع المحيي ، العظام
الســلام الماجـــد العدل الخبير
انت ربـــــي ، تعلم بسر، الانام
وانت ربي تعطــي، الخير الكثير
طالبك يارب ترزقني !! غلام
الغلام اللـــــي ! نفصله حرير
مايلام اللـــي، يتحرى مايلام
ينتظر من خالقه طفلٍ صغير
عقب عرسي صار ياثقل الدوام
الله اعلم يـــاجماعة وش يصير
الصبر طيب ولله الـــــدوام
والعمر لوطال لابده قصير
واجب تصلــي ، وتبادر بالصيام
وسنة المسلم لك الثوب القصير
فانية دنياك مافيها كلام
لاتحاول يالبنادم لوتطير
والبنادم لو توفى !! ثوب خــام
يوضع بوسط اللحد ماله مطير
القبر موحش ولا!! حولك عمام
ولاَخَــوّال ولاَبعد حتــــى عشير
مسكنك داخل تحت جنح الظـــلام
ياطريق الحق ، او بئس المصير
والختــام افضــــل تحيه بالختــام
للرسول المصطفى وافضل بشير
لافي الحصين