أي واحد شمري طبعآ اضيفه=وربمايالشمري بعض القبايل
طبعنا واحد وديرتنا شريفه=انشد التاريخ ينبي بالدلايل
الوطن غالي !! وبه نخله وسيفه=والعلم مرفوع ، دام الراس طايل
دولة ال سعود لاماهي ضعيفه=دولة ال سعود مامثله بدايل
الأيادي بالوطن ماهي كفيفه=العمل بالليل ولا بالقوايل
ديرتي بسطه شوارعنا نظيفه=من الحساء تاصل الى شعبان حايل
ديرتي نبغاه في برده وصيفه=حبها بالقلب وعروقي مخايل
والشجر لامال والصوره ضريفه=كالحمامه تصفق بزين الذوايل
ليتني رسام وارسملك صحيفه =ديرتي موجود به كل الوسايل
ديرة الهباس ماوالله نعيفه =عند ربعي لابتي والكل قايل
يشبهون شيوخنا جبالٍ منيفه=من قديم اجواد ورجالٍ حمايل
واختم الموضوع والدعوه خفيفه =شعْرنا للناس ياصل بالرسايل
ابوبادي الحصين