نواف بن زيد التفيهي الشمري
أبوثامر
.. حائل - قرية التفيّهي ..
يشوش راسي للنشامى واهدّيه
وآقول يمكن واهمٍ تاااايهٍ وآه !!
خوفي لابيعه بعد ماني بشاريه
واندم على مدح الرديين وابلاه !!
ابلا الكرم و الجود وابلا معانيه
ابلا عٓزاز الطيب و ابلا مزايآه !!
و ما ظنتي أحدٍ قدر فيه يخفيه
طبـع لك الله بين الاجواد تلقـآه !!
من زار ها كالشمري بين أهاليه
يلقى كلامي صح مابه محابآه !!
وانا لقيت الطيب واسمه وراعيه
ذيبٍ على شم الشواهيق مربآه !!
حـايز على طبعٍ طبيعي نشا فيه
مثل الغدير إلى تدرّج من أعلآه !!
يمشي على هونه ويسقي روابيه
قليل به مثله مع النااس حلياه !!
لـه مـدهـلٍ كـل النـواظـر تـراعـيـه
وله منزلٍ دوم المخاليق تنصآه !!
ما ادور السمعة ولآ بي مشاريه
يوم اكتب حروفٍ جزال بشرواه !!
وآقول كيل المدح في غير راعيه
زي الذي يكتب على غير معناه !!
وانا شهادة حق و الزور مابيه
و الطيب في حائل بيوته مبنّـآه !!
بيتٍ لابوثامر عسى الله يعافيه
من سار من موقق شمالٍ بيمنآه !!
يلقى بيارق رفرفت في معاليه
وإن ما لقى نواف يقعد بمركآه !!
بيت "التفاها" بينٍ في مواريه
فيه الكرم والطيب مايلحق اقصآه !!
جريح الغربة
ملف مرفق .. انظر الصورة
ااا
اا
ا