بالبدايه احب ان اوضح بأن هذه القصيده للأخ المرحوم ( الشيخ شعلان منيف الجربا )
وبعد اسبوع من اعلانها اقيمت امسيه في بيت المرحوم شعلان الجربا الكائن في
عمان وكان يحضرها مجموعه كبيره من شعراء الخليج وسوريا وعمان واتصلت بي اهل الشيخ المرحوم شعلان وقالت ان الشيخ يطلب الردمني على القصيده وكنت صغيره في وقتها
وفي بدابة طريقي بالشعر وبعد اسبوع ارسلت لهم الرد ..
قام بألقائها بالأمسية الاستاذ الطراونه رئيس تحرير مجلة البادية الاردنية
وقام بنشر القصيدتين معاً في مجلة البادية الاردنية عام 10\ 1999 م
وهذه مقتطفات من قصيدة المرحوم الشيخ
صرخه ارددها وانـا وسـط عمـان=للـي سكـن يـانـاس بالرافديـنـا
وللي سكن بكويت ورياض وعمـان=وابوظـبـي ودبــي وام القويـنـا
صرخة شقا صرخة عنا صرخة احزان=واليـوم ياربعـي تـرانـا بليـنـا
وخلو خطاة اللاش منـزوع منهـان=وتـوحـدوا بـالـراي يالعارفيـنـا
وهذا ردي المتواضع
صرخه سمعناها من اطراف عمان = وصل صدى الصوت للرافدينا
صرخة اسد ضرغام معها الوقت حان = فيها عبر وامثال به يعنينا
عديت صحيح الهرج والغير غلطان = دنياك خانـت واستدارت علينا
وين انتوجه صاروا الكل عدوان = ولد الردي واللاش لأامره انحنيتا
صرنا نتذرأ بناس ماعنده وجدان = ونصغي رخيص الهرج لو يعنينا
شفنا مهانة ذل وعشنا بـ حقران = بعد علاة الشان بالذل رضينا
وغدينا نفتح للمحاسيد بيبان = نعطي مجال اللي كلامه يغزينا
الكذب كثر وراعي الحق خسران = والبايعه ربحان وحنا شرينا
من صاحب الطيبين غانم وكسبان = لامال حمله بالقفا معدلينا
ومن عاشر الأنذال ع الدوم منهان = نتبع ردي الشور لما غدينا
ومنرينكر المعروف للملح خوان = هيس وردي الخال يالسامعينا
شمر غدا رجواه وفيهاالوقت خان = من بعدهم الدار تبكي حزينا
عفنا الوطن والأهل ضعنا يـ شعلان = في كل حراوي الأرض حنا دوينا
ماينوجد ياهيه مثلك بالأوطان = اودعك يادار فيها ربينا
ماناخذ العبرة من ماضي الأزمان = درسـ(ن) شديدن يالطنايا نسينا
حنا سقينا السقم لقومن عدوان = وأحقادهم هلحين تشهد علينا
جرح بصميم الجوف ياشيخ حيان = ينزف على ماضي محته السنينا
يشهد لنا التاريخ في ماضين كان = حنا ليوث الكون وحكمه بأدينا
تاريخنا جوهر من غالي الأثمان = شمس(ن) على كل البوادي سطينا
بالمعركه حنا صقور(ن) وفرسان = لامن ركبنا خيولنا وانتخينا
مايهمنا الجمع من كل الأركان = ذيب(ن) على العدوان لاهد حدينا
من مصقرة احرار وتقود شيهان = حنا على روس المعالي رقينا
تاريخنا في نجد يشهدله برزان = الله على وقت(ن) مضابه اشزينا
ترجع لنا الدنيا مثل دور فرحان = مجد(ن) وعز وجاه بذره حظينا
تبشروا ياربع تـو الوقت زان = تـو النفس والروح ردن علينا
شمر رجعله العز بوجود شعلان = ربي على كل المصاعب يعينا
وشمر اعزاز القوم في حكمك الآن = صيت(ن) غدا ياشيخ لابد يجينا
عرفت انا بالهرج شيقصد كحيلان = ينصح قليل العرف يالصايبينا
من يتبعك ياشيخ بالفعل ربحان = نسل الشيوخ اللي نبيه ويبينا
مشرع(ن) البيت بربوع عمان = الله يعمر دار عليه ارتكينا
مقلط بها الحيل لـ بدو(ن) وشويان = شعلان ربيع ضعوف تسلم يمينا
بس اعذرن ياشيخ بالقيل نقصان = جديدة(ن) بالشعر وتـو ابتدينا
صلاة ربي عد وابل الأمزان = على النبي واعداد ضعون وهجينا
وســـــــلامتكم
بقلم الشمـريه المجهـوله