مجاراة الامير محمد الرشيد مع الامير محمد السعود

كان هناك تحدي وتوعد بين الامير محمد بن عبدالله الرشيد ( المهاد ) وبين الامير محمد بن سعود الفيصل ( غزالان ) وكانوا الاثنان امراء وشعراء ... فبدأ الامير محمد العبدالله الرشيد بقصيدته :


ابدأ بذكر الله على كل شاني = اللي رفع سبع(ن) وسبع(ن) بسطهن
ياراكب هجن كبار المثاني = بين الحجر ومحقبه دوم يرعن
حراير(ن) ومضربات(ن) عماني = جن البكار وكل ابوهن على سن
واعصي اهلهن كلهن خيزراني = وان لولسن طق العصا ما يدانن
مستردفين وفوقهن شيشخاني = من قصر حايل فجر الاصباح مدن
ومكلفات(ن) في جميع الاواني = وكل الكلايف فوقهن ما يخطرن
ركابهن من عندنا غب ثاني = بديار دسمين الشوارب يعشن
شيوخ القبايل يوم ماضي الزماني = ياما غدا ببخوتهم هن بن هن
وتلفون محمد شوق صافي الثماني = ولد سعود وخالط الزين في فن
الزين ماينفع خطات الحصاني = لياصردن بأثر العدا قفهن كن
ودنياك هذي ماتجي بالتماني = كان انكسر مخباطها والسعد كن
طاوعت شور مريشين الاذاني = وان جوك بيضان الغتر كنهم جن
شيخ(ن) تعلى في طويل المباني = سعوده وجوده وفقن له بلا من
حصان(ن) ترقى في عضود العناني = ما يلحق العنان راسه ليا عن
عريض ما يلحق عليه البطاني = بطن العرب ماهن لبطنه يطولن
وفعله يبين في بعيد(ن) وداني = وسوا سوايا مالك الله يسون
طلق الذراع وبه طلاقة لساني = وكل الفعول الطيبه يوم يطرن
وراسه لك الله فيه مثل الغواني = لجة محال(ن) في لقاهن يصبن
ورجل(ن) لطيف وبه جميع المعاني = ادع الزمول الهايجه لا يهدرن
ومن حاربه مايرقد الليل هاني = لو كان رجل عاقل صار به جن
يحسن على اللي يستحق الحساني = وعيد(ن) لاهل عيرات الانضا ليا جن
يعطي المهار مقطمات المثاني = لياعطى ذولي وذوليك يهدن
وينطحك ابو ماجد لياجيت عاني = ليا اقبلن عوج المراكيض واقفن
كم مصعب(ن) خلوه جاء مرجعاني = بصيارم(ن) بايمانهم مايعفن
متسلحين بالماطلي والرداني = وشي(ن) ما اعرف اجناسهن توهن جن
وشوري على كل الرجال الذهاني = وترا القلوب الطيبه مايغون
ومني عدد ما بالخفا والبياني = وترا النصايح يافتى الجود يشرن
حنا لياورد على الجمع ثاني = وحنا ليا نار المخاير وثم ون
وحنا الضياغم وصلنا بقحطاني = وانتم بني وايل صح(ن) بلا ظن
لابدنا من ساعة(ن) بامتحاني = وخيولنا تاتيك عرق(ن) باهلهن
والامر بيد اللي ليا راد كاني = والعز بيده والسبب نفعله حن



فرد عليه الامير محمد بن سعود:


بديت بذكر الله على كل شاني = ومن وحد الواحد على الرشد له فن
وخلاف ذا ياراكبين السماني = اكواعهن لازوارهن ما ينوشن
فج العضود وموردات المثاني = بترالفخوذ اذيالهن مثلهن هن
ارقابهن مثل الجريد اللياني = شبه الادامي بالسهل يوم ينحن
هجن(ن) هجاهيج(ن) خفاف(ن) هجاني =عوص(ن) على هوز العصا مايدانن
قطم الفخوذ مقولمات الاذاني = يشدن شياهين(ن) على الجول هدن
وليا اعتليتوا فوق حيل(ن) سماني = عوجوا ارقاب اركابكم لا يخفن
وليا انتحن مع فج دو(ن) دناني = طري زمل ماداج بقلوب اهلهن
ترحلوا مني حلول الاذاني = قبل الطيور لارزاقهن بي يطيرن
مدوا لياشفتوا سنا الصبح باني = من قصر جدي ياسعد وين يمسن
باسفل شعيب سدير عند الشباني = ان نوخوهن قدرن هن واهلهن
عند الفهيد معزب(ن) مرحباني = كل(ن) يقول بجيرتي ما يفوتن
وكل(ن) يجيب من الحطب والاواني = وسوالف(ن) يطرب لها البال وان جن
تلقى رجال(ن) يفهمون المعاني = ومجالس(ن) يثنا بها راي بالبن
يلفن لاخو نوره منجي الحصاني = وليا لفنه جعلهن مايردن
مومي لهشال الخلا بالرداني = لولاه طاوع شارب التتن والبن
لا يحسب اني عن لقاه امتواني = ناصيه وابغى اتيه لزم(ن) بلا من
لوكان في برزان زين المباني = ان سلم راسي والهبايب يهبن
الناس مثل الناس ماغط باني = ومن قال انا الطيب يعابيه ابن من
والزين مايدقم شفاة السناني = والشين مايقصر يدين(ن) يطولن
ليا اجتمع زين(ن) وفعل اليماني = لذة نعيم(ن) بالعمر لا توافن
والجاز يعبا للضروس الوتاني = واعرف ترا سن اللبن يقلعه سن
وحتى ايش يا نقالة الشيشخاني = معنا افرنجي(ن) على البعد يشفن
علي راس(ن) فيه مثل الاواني = مثل البروق بليل قدره ينوضن
وليا اعتليت اقطي بنت الحصاني = عيب علي احرافهن لين يقفن
اضرب بحد السيف هو والسناني = لين العذارا ياسعد لي يعذرن
واقسم برب البيت مغلي البناني = جموعنا بجموعكم بيتلاقن
وهذا الجواب اللي ظهر من لساني = والامر لله والسبب نفعله حن


وسلامتكم .............

 

 

 

 

 

 

 

 

 

 

حياك الله اخي الكريم


للعلم قصيدة ابن رشيد ليست للامير محمد العبدالله وهو ليس شاعر بل هي للشاعر فجحان

الفراوي المطيري والذي عرف بترّدده على الرشيد والجربان ومدحه لهم وموالاته لهم ...شكراً

 

 

 

 

 

 

 

 

 

 

تسلم وماقصرت والف نعم بهم جميع

 

 

 

 

 

 

 

 

 

 

الله يعطيكـ العافية وباركـ الله فيكـ ..

في هذه المجارات تسمى اسلوب النقائض بين الشعراء و يعتبر من الهجاء ولكن بأسلوب ذرب

وهو يرد الشاعر على الشاعر الذي تحداه او هجاه بما ينقض ما قاله من شعر , و يحتج لنفسه بحجه

ضد خصمه و يحاول ان يبطل ما قاله الخصم .

وكان يوجد توتر و تحدي بين الامير محمد العبدالله الرشيد الملقب بالمهاد وبين الامير محمد ابن سعود

الملقب بـ غزالان و الامير محمد الرشيد ما يكتب شعر فقال الشاعر فجحان الفراوي وهو من بريه من مطير

على لسان ابن رشيد موجهه لبن سعود وكان محمد ابن سعود شاعر جزل فرد على ابن رشيد ..


حيث كان الشاعر فجحان الفراوي ملازم للامير محمد و يمدحه كثيراً و ايضاً مدح عبالكريم

الجربا و شمر ولقد اكرمه و اعطاه عبدالكريم جزيل العطايا من الخيل ومن كثرة قصيدة على الشيوخ

وكثرة اسفاره لهم انتقدوه بعض الناس فرد عليهم بأبيات اذكر منها :

وسوالفى عند النشاما طريفه =.ماهى خرابيطن تعود على ماش

جبت الحصان وجبت هدبا وريفه = صم الحوافر من مراكيب الابواش