لاكبرت القاله تهووون

السلام عليكم ورحمة الله ... نترككم مع متواضعة قصيد
-----------------------------

النظره اللـي تجبـر النظـره تجـي مـن بعدهـا = ماهي كما اللي ماتحـرك فـي زواياهـا سكـون
فـي حـد والمستحدثـه فـي حـد ماهـو حـدهـا = معهـا صلاحيـات علـيـا ويــن ماحـطـت تـكـون
وقتـن كمـا كـف البخيـل اللـي قليـلـن مـدهـا = اللـي يمينـه كنـها يسـراه لــو نـاشـت دهــون
اللحظـه اللـي تبـتـدي منـهـا تـوقـف عنـدهـا = متغيـر وثابـت حقيـقـي لا شـكـوك ولا ظـنـون
ماالـوم انـا الهاجـوس منهـا لـو تبـيـح سـدهـا =وتوزعت من حول قدر احساسها مثـل الصحـون
ولا لقـيـت الـوصـل غـيـر بقربـهـا وابـعـدهـا = وإن عاشت بنظرة عيون تموت في غمظة عيـون
واللي قبل ماارسـل رسالـه عارفـن وش ردهـا = اصبح كما من يجلـب السلعـه وصـاراول زبـون
مـن شاعـرن لاجابهـا بحكـمـه وعـرفـه ودهــا = اللـي لهـم بالشعـر بـاع وينقـضـون ويفتـلـون
الظاميـه وردتهـا لين صــدرت مــن عـدهـا = جتني بلون وصـدرت مـن عدهـا الراهـي بلـون
اللـي عليهـا يكثـح مـن الخمـس لاهـب مدهـا = من شدته نور القمر تزبـن عنـه تحـت الغصـون
شاعـر وجبـت السالفـه ببيـوت شـعـر اعـدهـا = من دون نقص وزود واللي صـار شيـن مايهـون
يحـدنـي مــن مــا يليـنـي حـاديـه واحـدهــا = وجرحن من اللي مايمون يطيب عكس اللي يمون
وصحيـح كلمـه تاكـل وتشـرب بـصـدرك بـدهـا = وخلك على مبـدا يقـول ان كبـرت القالـه تهـون

توقيع : ثاقب النظره

 

 

 

 

 

 

 

 

 

 

حياك الله ياولد بلــي بين إخوانك وصح لسآنك ملاااايييين ولله درك
أنت شآعر متمكن،ولك الشكر الجزيل على تواصلك وإبـــداااعك

وأكرر شكري لك على تجاوبك وتعاونك واهتمامك
حفظك الله أينما كنت ولاعــــــــدمنا وجووودك.
تم التثبيت.

 

 

 

 

 

 

 

 

 

 

صح السانك قصيدة جزلة

وبالفعل شاعر متمكن تقبل مروري وتقديري

 

 

 

 

 

 

 

 

 

 

سلمت يابو طارق وأتشرف بوجودي بينكم يالطنايا ياساس الكرم والجود والشجاعه واهل الشعر والملاحم والتاريخ المشرف .. صح بدنك يابو طارق وشاكر مرورك الجميل والرائع دائما.. كل التقدير والاحترام لشخصك الكريم

 

 

 

 

 

 

 

 

 

 

الأخ العزيز .. وضاح الخالد ...صح بدنك وإشادتك وسام اعتز به .. شاكر مرورك الجميل والرائع ... كل التقدير والاحترام لشخصك الكريم