من خيال( ن ) في سما المتوسط من المنشا =لاحت بروقه وهزت ماتحته رعوده
خيره بشره وبرقه ساري( ن ) ما عشا = بالكرم والجود شمر لابته وجدوده
استهلت بالبرد لين إنغطى كل إنشا = صل لين اصبح حدور ارضه سواة سنوده
اكبر من مشبه( ن ) صله نظيل يهشا =من حقوق يزيد من نار الزحام بروده
من يخيله قال ماماتو خلايق عطشا = وقال ماعاشوا خلايق نازلين حدوده
مثل دمعي يوم سوى فوق خدي ممشا =من غزير( ن ) هل من محجر قليل رقوده
زود حزني قالب الدنيا غباش وغبشا = ارسل الاهات وابعدها وهي موجوده
دنيتي مثل السواد اللي بعين الاعشا = لاسرى مايدري الخطوة على ايش تقوده
نار في صدري تشب ومن وطنها تحشا = نار من ما اتعب على الوقده يده بزنوده
ماطفت ليل ونهار ومن وراها يخشا = كلمت( ن ) مطبها كنه طلق باروده
ياقمر عالي صراخي شق الاذن الطرشا =حيلته والاتصال اشارته مفقوده
علم مايركز على لاشن يلشه لشا = دلونا مانميحه الا في ربيع وروده
لالبست قناع لبست لي سواد المغشا =ولا يلام اللي شراعه ماتنفس نوده
ان سلم ظهر البعير ولا انكسر من قشا = مانتخاسر لاسلم ظهره عظام عضوده
وكم ربيع( ن ) خضرته غطت صفار القشا =وكم ربيع اصبح يباس الريح شالت عوده
مانويت ابوح في سري وهو مايفشا = ماعطيته غير من عديت كل جدوده
ان كشفناها بدى اللي مستحيل يخشا =مامحلي ثاقب الا هيبته وصموده
وعذرنا من العالم اللي بان فيها الربشا = صدفة( ن ) لكنها تسوى مية مقصوده
مابلشت بمن يمشيها ومن مامشا = ماكتبت الشعر كلمات اغنيه وانشوده
ومن عرف كل الجواهر نال تاج وعرشا =باربعه واثنين كووود الخزنه المرصوده
ومحو الاميه من اسمه مابه املا وانشا =والقرايه والكتابه هيه اهم بنوده
وقولو لمن قال ماتمشي ولا تنمشا = شعرنا ماهو بكلمات اغنيه وانشوده
---------------------------------------------------------
الشاعر / ثاقب النظره