بسم الله الرحمن الرحيم
الشاعر\ مشعل عسام التريباني الشمري
بمناسبة انطلاق حملة الدهمان لجمع دية السجين سلمان الوبيري الشمري
((ياعيال العود دهمان))في 1\1\1436هـ
ياعيال العود دهمان يالحصن الحصين=يامصــــــابيح الــدجا يامــنارات الظــــلام
انتم اهل الفزعة اللي لها القاسـي يلين=وانتم اللــــي تكرهون العدو وقت الزحام
وانتم اللي مجدكم من قديمات الســـنين=وانتم اهل الجـــمع الاول بعـــيدين العلام
وانتم اللــي دايمن باللوازم حاضــــرين=وانتم اللــــــي جمعكم مايجي فيه انقسام
لابتي ياظل راســـــي عســاكم ســالمين=انهضو ياهل المكارم مـــــرويت الحسام
افزعو مع ربعكم واطلقو قــيد الســجين=واجهدو بالمد وارقو علــى راس السنام
الــوبيري يرفع الصـــوت ينخا الغانمين=انقذو راسه من الســيف قصاص العظام
بالســــجن وامه تهل العبار وتســــتعين=تنثر الدمعات واتنوح مع ورق الحمـــام
استعينو بالله اللـــــي يعين المســــتحين=وابذلـــو مـــــن مـــالكم يارفيعين المقام
الفزع بالمال ساس الكرم يالمكــــرمين=انتهى وقت المعارك وزرقات الســــهام
يام سلمان افرحي كل شمر حاضـــرين=لابتن يضرب به امثال من عصر القدام