يسألوني دايماً عن مستواها = كيف اهلها عايشين ومن تكون ؟
من تكون ؟ اللي خذت قلبي معاها = من هي اللي ساحرة كل العيون ؟
الله اللي زانها والله عطاها = كل الخلايق دايم إلها ينظرون
جميلة وفتانة بحسنٍ زهاها = زينها ما يوصلونه يعجزون
قالوا شمالية سكنها او وراها = وإلا جنوب ديارها وسط المزون
رديت لاهذي ولا هذي تراها = قولو انتم وين اهلها يسكنون
قالو اجل نجديةٍ فيها تباها = او اهلِ حايل ناسٍ كبارْ الصحون
قلت العفو تهتوا كثيرٍ عن خطاها = محبوبتي الشعار فيها يسرحون
قالو اجل شرقيةٍ ما اطيب نباها = وإلا حجازية من اصحاب الفنون
جاوبت يا ربعي ترى قلبي هواها = ما اظنكم من عقب هذا تعرفون
حبيبتي في عروقنا تمشي دماها = الدم واحد مختلط وش تحسبون ؟
ارواحنا ترخص ولايدنس ثراها = ياقبلة الإسلام واللي يهتدون
على ارضها عشنا وشربنا زين ماها = يادارنا نفديك ياالأم الحنون
( احمد بن ناصر المحرج )
... ( من هي اللي ساحرة كل العيون ) ... (56)
العرض العادي
