اهداء الى الشيخ مشل بن سالم بن طواله مع التقدير والاحترام
قالو مشل قلت الفخر للقبيله = ان هب للمعروف نفحه ونسناس
مشل بن سالم ربيب الفضيله = ابن طواله للاجاويد نبراس
ان كان للميراث عرق وفصيله = ميراثه النوماس من كل نوماس
هداج ما غيره ولا به مثيله = ومشل بن سالم يساويه بقياس
كريم وامجاد الكرم تنتمي له = كفّه ندي وكفوف الانذال يبّاس
سيفاً تعدّل شذرته كل ميله = يشفي غليل اللي غشى راسه عماس
صميل قيض بيوم مابه دليله = لاطاح بكهوف التضاريس قرناس
يملك عناتيت الرجال بجميله = ولولا فعول الطيب من يملك الناس؟
من جاه ينخى بالفزع ينتخي له = في موقفاً يجمع به الخوف واليأس
زيزوم وافعاله شبه مستحيله = تجاوز المألوف بالعزم والبأس
يمناه في نيل المكارم طويله = بذّار للمعروف حصاد غرّاس
حرّاً يشوم عن العلوم الهزيله = طير الفلاح الصيرمي طيّب الرأس
عز الرفيق اللي حموله ثقيله = ينصاه من يشكي من الوقت الاتعاس
يجهر جبل نجران له بالنفيله = و ياصل صداه جبال شمر بالارماس
يفداه مغروراً يجمّع حصيله = مجنّب المعروف جدواه الافلاس
المرجله مابين حيلاً وحيله = ( قولاً نقلته والمعاني لها ساس)