يانفس طولتي اللهو وش جرى لك = متى لرشدك خبريني تعودين
ارجوك عودي قبل ساعة زوالك = بيجيك يومٍ عند ربي تروحين
اصحي فلا ينفعك والله ظلالك = من قبل يومٍ فيه عدل وموازين
الفكر حار وضيعتني المدارك = ماعاد تنفعني دروس وقوانين
لوطال وقتك تاردين المهالك = ماينفعك اهل وأقارب عزيزين
تكفين نفسي خلي الزين فالك = درب الهوى لاعاد صوبه تمرين
حثي خطاي لكل زينٍ صفى لك = والشين عنٌه جنبي لاتودين
وين اللي عاشو في قصور وممالك = وين الملوك ووين كل السلاطين
وين اللي فازو في حروب ومعارك = عند الولي خلاقنا منّزل الدين
ماينفعك اصلك وفصلك ومالك = تتحاسبين بفعلك الشين والزين
( احمد بن ناصر المحرج )