(((مدح بالشاعره الاميره )))
اتعبت باشعاري عموم الشواعير
لان المعاني من قصيدي عسيره
لكن المره هذي المسأله غير
ابتخطى كل اخطوطٍ خطيره
سويت نفسي امير لوماني امير
من شان اجمل نفسي مع الاميره
سلام يابنت الشرف والمشاهير
اللي لهم بالمجد والطيب سيره
المسأله يالشاعره كلها خير
ياالله توفقنا على كل خيره
ابمدحك بابيات شعرٍ نوادير
اخترت لك معنى البحور الغزيره
شفرتها من خاوي الراس تشفير
لانك بعيني يالاميره كبيره
لك التحايا يالاميره وتقدير
فيك الجمال ولايوصف بغيره
من غير نورك ماتفيد التناوير
نورك سطع بالارض في كل ديره
حلفت لو البيض جني طوابير
ماشوفهن مثلك فتاةٍ صغيره
سبحان من صورك بالزين تصوير
وخلا العذارى منك تشعر بغيره
فيك الجمال وفيك حسن التدابير
وسمو شخصك كلنا نستشيره
اقولها والنفس تشعر بتقصير
وعن الطويله اكتفي بالقصيره
نايف الشويب السليمي
سويت نفسي امير / بقلمي
العرض العادي
