يانفـس شومـي واعتـلـي بالطـويـلات=مـافــيــه مـحــصــول بـلــيــا تـعــايــب
تناسـي الفـايـت والـلـي فــات يـافـات=بعض الـدعـاوي تسـتـجـر المـصـايـب
خـلــي هـــروج ملـفـقـيـن الـدعـايــات=خـبـاث الـنـفـوس مفـرقـيـن الـقـرايـب
اهـل اللغـى مابيـن مسـوي وشمـات=مـافـكــروا بـالـذنــب هــــو والـتـعـايـب
من قو ساطـي هرجهـم نـال الامـوات=وهــز اللـحـود وهـــز عـــوج النـصـايـب
يانفـس قضـي طايـل الوقـت بسـكـات=اخـيـر مــن عـلـم لــه الـفـيـن جـايــب
غــز الحـسـد والـكـذب يـانـاس رايــات=كـــل يـولــف مــــن كــــلام الـغـرايــب
صـحـيــح مـاحـنــا وكـيـلـيـن الافـــــات=ـكــن واقـــع وقـتـنـا لــــه حـسـايــب
ضـاق الزمـن باللـي لهـم عــز وقـفـات=وغــنــت ارانــــب وقـتـنــا بـالـهـبـايـب
شفت الثعالـب واللصـوص النحيسـات=الـذيـب منـهـا صـــار خـايــف وهـايــب
ولايـــلام مـــدام الـثـعـالـب خـلـيـقـات=عـلـى الخيـابـة يـالـقـت كـــم خـايــب
مــال الـرشـا بالـلـي فعـولـه جـزيـلات=باسـبـاب راع الـهـرج كـلــب اللـعـايـب
اللي يحسب انـه مـن اهـل الزعمـات=مـايــدري انـــه لاش بــالــدو ســايــب
ماله مع اهل المجد شوفـه وشرهـات=لـو شـاف فـي نفسـه غـرور وعجايـب
نفـسـه تـربـت بـيـن نـشـر الاذاعـــات=عـلـى الـخـزا والـزيـف حــث الـركـايـب
روح يـــدادي بـيــن نـــاس الـمــدادات=دوارت الــغـــرات هــــــن والـنـكــايــب
اضـرب مثـل مـا اخـص قــوم وزلامــات=الــلــي تــــدور بـالـرفـيــق الـغــلايــب
واهل الصخى واهل الحصون المنيعات=مـداتـهـم هـالـوقـت تـجــزا النـشـايـب
لــو يبـذلـون الجـهـد لاجــل المـفـادات=اهـــل اللـعـانـة يـنـشـرون الـشـوايـب
عسـى تشيـب اوقاتهـم والمساحـات=الـلـي تصـغـر مــن صـخـا كــل طـايـب
مــن صــد صــد ولايـجــي بالـمـنـادات=وراع الـفـزع صـيـتـه بـعــال الهـضـايـب
ماغاب ذيـب القـوم فـي وقـت غيبـات=واهــل الدسـايـس للـفـنـا والـخـرايـب
يالله تـجــزا فــاعــل الـخـيــر خــيــرات=مــن مــدة المعـبـود جـــزل الـوهـايـب
وتظـهـر حقـايـق روس نــاس مخـبـات=اهــل القـلـوب الـلـي تـنـازف عطـايـب
لاجــل مـقـام الـلــي حـــرار مـضــرات=تسـتـوفـي الـحــق الـقــوي بـغـلايــب
ولايجـهـلـونـه مـهـتـويــن الـمـنـاجــات=كـسـابـت الخـيـبـات شـــب وشـايــب
الـيـا ثـبـت فـعــل الـعــروق الرفـيـعـات=الصـايـب الصـايـب تــر الفـعـل صـايــب
هـــذا كـــلام واقـعــي مـهــو رغـبــات=حــق الـيــا غـابــت حـقــوق جـلايــب
عقـب الصبـر تظهـر رســوم وعـلامـات=امـــر مـــن الله يـاطـغـوا بـــه خـنـايـب
عـشـنـا وشـفـنـا بـالـزمـان الـهــوالات=اخـــر دهـرنــا ولــعــوا بــــه شـبـايــب
توضيـح وقـت عــن تـجـارب وضـوحـات=وتـفـصـيـل دنـيـانــا وكــتــب رهــايــب
سـيــر الـزمــن بـــه للمـبـحـر بـيـانـات=يـنـسـخ بـعـالـي عـالـيـات الـجـذايــب
يالله فــي وجـهـك وجـاهـك ومـرضـات=عــن معـضـلات سـابـق لــه سـبـايـب
تـذهــب ضحـايـاهـا نــفــوس بــريــات=نفـوس بـهـا دوم الحـيـا شـيـف رايــب
الـيــوم دور الـبــوم يـلـحــد بــالاوقــات=مـن سـو ظـن اللـي تـشـن الحـرايـب
الـديـن قــل وطـغـوة الـديـن فسـقـات=منـهـا مايطـلـع غـيـر مــن كــان تـايـب
عبـد تقـي حـرص عـلـى ادا العـبـادات=ذل خـضـع لـلـي يـسـوق السـحـايـب
هـذا وانـا مالـي علـى النـاس طلبـات=لـكـن مـسـار الـوقـت لـلـحـق جـايــب