هذه القصيده موجهه الى أحد اعضاء (منتدى شمر قطر) الاخ (الجحيشي).بعد مارد على قصيده لي .وبين من خلالها اني انا من العراق ومن ديرة العيث.فحبيت ابين للناس اني افتخر في بلادي وديرتي التي اعيش فيها.ولا قصدي الاساءه الى الاخ الجحيشي.وهو اخ عزيز.
ريح الموده صوبكم جشنا جش=ماهي على سدة فراقي وطيشي
نفيض طيب بوجه من طيبهم رش=بصفوة فكر ماناش راسه وشيشي
في منتدى شمر قطر شارك ودش=شاعر صريح ولاعطاكم هشيشي
أقطف زهر ماحش في منجلي حش=ماني بحواجٍ يبيع الجريشي
امفرمت أفكاري ولا احتاج رفرش=ورابط مع كل المحطات فيشي
ماهيئ الربطه وانا بيدي الشش=لكن اجازف يوم هاب الخريشي
ماغير اللهجه ولا مظهري غش=من غشنا خان الرسول القريشي
ماودي أسمع مفردة اسكتو أش=عراقي وانا بالعيث ساكن واعيشي
عندي وفا واصغر وطن عندي العش=ماطير منه وادعي صف ريشي
انا بدوي في داخل الضيق ماخش=وش يجبرن اسكن اقفاص وعشيشي
في دار فيها المنتفخ طالت وفش=تالي انهجر مثل الجمل مستهيشي
ماودي افتح نافذة ليه وابلش=وانا ادري بداري يصول الكديشي
أخير من قولة لفا عوذه وكش=لا جيتكم كني أمهرب حشيشي
لاتسرجون الخيل كان الخبر طش=ملاطفه واهديتها للجحيشي
علط الارماح المعتدي منهم كش=عقب السطر يخضع وينقر دشيشي
هلال الصلفيج
قصيدة(عوذه أوكش)
العرض العادي
