الله يرحم ابو علي ويعفو عنه ويسكنه فسيح جناته . والله ان الشاعر ماكذب في كل كلمه قالها عن الشيخ غازي رحمه الله فقد كان رحمه الله لايرد من نصاه والتجأ اليه بعد الله لقضاء حاجاته . اذكر ذات مره جاءه واحد حربي في مجلسه وقال يابن شريم تكفا فيه اثنين واحد يطلب الثاني مبلغ مئة الف ريال والمطلوب رفض السداد وقال ماعندي فلوس تبي تشكي شوف الشرطه ورح اشتك فرد الطالب بالقول والله مااشتكي وعلي الطلاق وعيب جلوسي عند الرجال وشرب الفنجال اذا جاء بكرى الظهر ماجبت فلوسي ان يانت يا انا يموت . تكفا يابن شريم ايش حل هذه المعضله .
قال ابن شريم انا اعطيك مئة الف الان وعطها صاحب المبلغ وقل له هذي فلوسك . فنهض رحمة الله عليه واحضر مائة الف ريال وسلمها للرجل الذي فرح كثيرا بتوفر المبلغ وحل المشكله .
سأل الحاضرون الشيخ غازي رحمة الله عليه هل تعرف هذا الرجل فرد والله حتى اسمه ماعرفه لكن اشوفه يصلي معنا في المسجد ومادام انه مواظب على الصلاة اكيد انه صادق . رحم الله غازي الشريم واسكنه فسيح جناته ...