يا ولد علي ،، يا سلايل كحيلان
الوقت هذا خانه أهل الوداعه
اليوم ما عادت شجاعه وفرسان
راعي الشجاعه بإنبطاحه شجاعه
الخوف .. قادم واللذي فات الأحزان
والعيش حفنه والليالي مجاعـــــه
كثر الخبث يا عبيد من قل الإيمان
والسمع لله صار من دون طاعه
من يوم عبده للعرب صار فنان
وحنا إنحطاط الكبرياء وضياعه
دين الله أصبح مضطهد بين الأديان
وسب النبي ما صار دونه مناعه
أحيان أقول الصمت حكمه وأحيان
أقول صمت المسلمين الوضاعه
كل ما تأمل ماجرى واللذي كان
أشعل من الواقع فتيل القناعه
دفع البلا سنَّـه والأحكام القرآن
والصبر محنه والتنهض جزاعه
بعض المعارك تبتدي لعب صبيان
بعض التراحب ينتهي بالقطاعه
والشمس ما تحتاج أدله وبرهان
والعمر مره والمقادير ساعه
وإذا طرت عبيد نكسة حزيران
ألقى هجومي نكسته من دفاعه
فيصل الطواله
يا ولد علي ،، يا سلايل كحيلان
العرض العادي
