ايها الاخوة والاخوات اعضاء وزوار منتديات الشموخ والاإباء قبيلة شمر
هذه متواضعه بين ايديكم 00
ارجوا انتنال قليل من استحسانكم الشامخ!
يا اللي تدقيـن هـذا رقـم جوالـي = ما احد(ن) يعرفه وظنك فيه غلطانـه
ما اعطيته الا رفيـق طيـب عالـي = لو يطلب الروح نرخصها على شانه
انتي تبين السوالف وسعـت البالـي = وانا انتهت من بلاوى الوقت واحزانه
روحي بحالك وانا با روح في حالي = وكل(ن) يجيله بريده حسب عنوانـه
والله ما انتي بلـي ولا علـى بالـي = سديت درب الهوى والغيـت بيبانـه
يقسا علي الزمن لين اجلس الحالـي = مـا كأنـي الا غريـم لـه وديانـه
اعاند الوقت لو هو شيـن مـا بالـي = وانسـاه حتـى يكفكفنـي بذرعانـه
واحيان احسَبه صفا واثـره يورالـي = حتى واشوف الغضب با ايامه الشانه
وارتاح لا جيت لي في مربع خالـي = وامشي مع العشب واسٌير بريضانـه
واخاوي الذئب وابرا له ويبـرا لـي = وامسي مما سيه وابدي رؤس ضلعانه
لو هو طلبني عطيته نصف من مالي = وبديت مصروف ورعاني لورعانـه
يا بنت هاذاه انا وصفـي وذا حالـي = وهاذاه رقمي يوم انك فيـه غلطانـه
صياد الشوارد