الاحبة اسف لنقطاعي عنكم
ولعل هذه المتواضعة تشفع
لي لدى قلوبكم الطاهرة
جت كأنها الحلم لحظة يستحل العقول = من شدة الخوف قلبي صار فيه أرتعاش
اللي حصل ماعرفته رفض والا قبول = مير الوكاد ان كلش زاد فيني وعاش
ياحلم يا اللي سرقني سرق انا ويش اقول = إذا كان غالي على ربعي وجيتك بلاش
هذاه نورك أسرني واعتراني ذهول = أدور واموت حولك مثل موت الفراش
هو كيف انا اخذ حقوقي منك وانا خجول = من يوم اشوفك يجيني لوثة ً وارتباش
يا ذوق يا فاهمة كل إتكيت الاصول = نفسي يصير التعامل معك كاش ً بكاش
ياغيمة ًينتظرها المرتفع والسهول = صحراي تبغا المطر حتى لو انه أرشاش
ونسايمك كل ما هبت بريح معمول = تجيب لي كل نسمة نشوة ً وانتعاش
انتي مواسم ربيع غير كل الفصول = الارض تزهر منه لوهي هشيم ً قشاش
ابنتظر لو يطول الوقت مهما يطول = ولو دونك الفين حاسد معهم الفين واش
ماشدني غير حسنك جد والا فضول = اذني بها وقر وعيوني عليها غباش
ابحرت يمك والا ادري وين ميناء الوصول = في بحر الامواج وشراع السفينة قماش
لو زهر الايام قرب يكتسيها الذبول = يبقى المهم اني اللقاء من حنانك فراش
وماهو مهم الكلام اللي مهم الفعول = وتواصل الفكر اخير من العتب والنقاش
[/
.gif){kind=icon}
حلم العقول
رد: حلم العقول
العرض العادي
