قصيدة خرجت من قريحتي عفوية أقبلوها كما هي:
على طاري القصيد ولوعة التفكيـر واحزانـه=لفتني البارح طيوفك وقمـت أشعلـت قيفانـي
يقولون العرب: أول محبـة صعـب نسيانـه=وانـا أقـول: المحبـة ماتميـز أول وثانـي
(أحبه) كثـر تعذيـب الليـال وبعـد عنوانـه=(واحبه) كثر ماخلـى خفوقـي منـه يعانـي
(واحبه) كثر مايطري صباح الخيـر بلسانـه=(واحبه) كثر ماأطري حروف أسمه على لساني
ياتوت العشق, ياسكر نباته, ياعـذب ألحانـه=ياغايب والله أنك ماتغيب ألا أنـت باحظانـي
ياطهر الغيم, ياصوت المطر, ياعـذب هتانـه=يافرحة عمري اللي مقبله أقبـل علـى شانـي
عليـك الله وبعـد الله علـيـك الله وامـانـه=تخفف من وطأ تجريح قلبي وكثـرة أشجانـي
عليه عهد مانسـى عشرتـه لوطـال فقدانـه=وعليها عهد ماتنسـى ولاتفكـر بأحـد ثانـي
واذا ضيعت بدروب الغـرام وكثـر سكانـه=على ذاك الطريق المظلـم المهيـوب تلقانـي
دمتم بود
.
.
.
أخوكم:عبدالله التومي
.gif){kind=icon}
يقولون العرب..؟
رد: يقولون العرب..؟
العرض العادي
