..شاعرة الأسبوع ((الثاني))..[ عـــــــــروب الخالــــــد]..!!

مواصلة لسلسة موضوع ((شاعر الأسبوع)) والذي كان قد بدأه زميلي متعب المنيعي الأسبوع الماضي.

فها أنا قد أضع بين أيديكم شاعر أو بالأصح شاعرة تكتب الشعر النبطي بحرفنة عاليه ومن يقرأ لها يدرك مدى خطورة هذه الشاعرة وهي الشاعرة [عروب الخالد].

تاريخ أنضمام الشاعرة عروب الخالد: 2006-03-28

أجمالي المشاركات للشاعرة: 134 وهي بخيلة جدا بالمشاركات.

الحقيقة تفاجأت في قصائد شاعرتنا [عروب الخالد] ووجدت نفسي في مأزق حقيقي عندما أردت أختيار قصائد لها وأضعها في موضوعنا هذا.




هذه أحدى روائعها وهي في المرحوم الأمير طلال الرشيد بعنوان (( وين قايدها)):




جيتهم والبـدر ضـاوي لابسـه عقـدٍ وشـال
ورغم ضيق النفس كانـت بسمتـي بالمقدميـه
:
:
دارت النظرات ويلي صرت أشـرق بالسـؤال
وش جرى وسـط المدينـه والديـار الأوليـه
:
:
وش جرى وسط القوافي لا حروف ولا مقـال
واقفه صمـت وسكينـه بعـد ماكانـت قويـه
:
:
جيت أنشد يا جماعة ( ويـن قايدهـا طـلال )
لين سالت عيـن قومـي واحـد ٍ يتبـع خويـه
:
:
قلت في بلسم حضوره حزنكـم مالـه مجـال
والبدايع ملك ( أبو نـواف ) واتحـرى مجيـه
:
:
قلتها ثم صاح واحـد قـال : لا هـذا محـال
طاح دمعي .. ذاب رمشي والصدى أسمع دويه
:
:
انقشع همال فكـري واختفـى ضـي الهـلال
والليالـي حالكـه فيهـا هـمـوم ٍ سرمـديـه
:
:
قلت : مات ؟ وقال : باقي في سنا حرفه وصال
اصبري والموت حق ٍ كلنـا لـه يـا أجوديـه
:
:
مايـرده دمـع عيـن ولا يـرده بـذل مــال
ولا يـرده لطـم خـد ٍ فـي سلـوم الجاهليـه
:
:
قالها واهتزت أرضـي واقـع ٍ مـدري خيـال
صاح فيني : قوي عزمك واسمعي عنّه شويـه
:
:
شاهق ٍ بالطيـب عالـي مـا توازيـه الجبـال
والكـرم ناقـش يدينـه بالختـوم الحاتمـيـه
:
:
إن مشى مشيه تواضـع مـا يباريـه اختيـال
ماوطت رجله حـرام ولا سلـك درب ٍ رديـه
:
:
مخلبٍ حقـق شموخـه صـار للعليـا مثـال
قرم من آل الرشيد أصحـاب ذيـك الحاكميـه
:
:
جلـه الله بالمحبـه مـن يميـن ومـن شمـال
تعشـق حروفـه عتيبـه والديـار الوايلـيـه
:
:
قلت : تكفى لا تكمل ، قال : مافيـك احتمـال
قلت : آآآآه ، وقال : وقفي لا تشب الآآآآه فيّـه
:
:
بعدها قفّى ودمعـه فـي ذرى الخديـن سـال
وتمتم بكلمه رمتني فـي بحـر حزنـه شقيـه
:
:
(( نحمد الله في قضاه اعـداد حبـات الرمـال
و ( عد ) ما هز الخبر وجدان بنت ٍ شمريه ))








وكان لنا موعد مع الشهد من فمها في قصيدتها (( الشهد منثور من فمه)):

سرجت الفكر0نوخت المعاني 0في ربوع القاف =و أرسلت الحروف اشـواق و الارواح ملتمـه
بحر من حس هايم00والحنين00بداخله اصداف =وموج ٍ يحتضن طيف السفينه بشـوق ويضمـه
شعور ٍ ماقويت القى له00التعبير00 بالميقـاف =ولو اجمع نزار اليوم00مع أبوه00 مـع امـه
تخفيت بوسط ذاك الشعور00 وخافقي00 شفاف =تظاهرت البرود00وظاهري000ماني بمهتمـه
سرحت بروعه00الحانه00وحبه فاق بالاوصاف =ترانيم ٍ خذتني 00والشهد منثـور0 مـن فمـه
لك الله يا حنين ٍ شدّني له00 والعزوم00 رهاف =أنا المخمور في طيفه00وعطره فاق من شمـه
حكمني واحتكم فيني بلا تبرير أو انصاف =بلا حتى ضمير وخوف أو تخفيف أو ذمه

 

 

 

 

 

 

 

 

 

 

ولنا موعد مع الدهشة في هذه القصيدة وهي بعنوان ..:: جــ ــ ــور مــ ــربــ ــاعــ ــي ::..

من خافق ٍ ذاق مر البعد عن خله = عايش وحيد ٍ وله ونات ملتاعي
الحزن خيم على الهاجوس واحتله = وصحاري القلب تشكي جور مرباعي
يا زفرة الضيم لك سيوف منسله = الضيق طبـّق بوسط الصدر أضلاعي
لا شفت خل ٍ و له محبوب مقبله = أو كلمة العشق مرت وسط أسماعي
ذكرت حالي بـ سم الشوق معتله = و غضيت طرفي و هلّ الدمع مطواعي
وسجيت بالقاف يوم الروح منشله = ونات قلبي تحدد لحن مطلاعي
ماعاد بأقلام حرفي أحبار منهله = لو أطلب القاف عيا يكون منصاعي
من غربة الروح حتى شفاي مبتله = بأمواج دمع ٍٍ عليها نوّخ شراعي
يا طير تكفى صل المحبوب ثم قله = خِلك على العهد يا المجمول ماباعي

وهنا أبداع لانظير له في قصيدة فـي [حـشـــ ــ ــاي رمــ ــ ـــ ـاح] ...






ظلام ٍ خيم بعينيٍ وحبري في ضميري صاح ----

ضياع ِ شتت أفكاري وتاه الفكر وبحووورهـ

:

:

مسا الدمعه جمود ٍ ينتخي في ليلة الافصاح ---

غروب ٍ لو تبعه شروق به انوار مهجووووورهـ

:

:

وعنق الصبح مابين / وفاض الكيل بالمصباح ------

ونيران اللظى تكويه / والآآآآآهات منحوووورهـ

:

:

يطول الليل أو يقصر / أخذت من الظلام سلاح ----

سلاح الدمع / والعبرة / وحزن القاف وسطورهـ

:

:

كذا الدنيا تنسينا ثراها والقلوب صحاح------

وناس ٍ تسعف البسمات في طعنات مغدووووووورهـ

:

:

عطيته قلب مايقسى عطيته هاجس ٍ وضّاح ------

عطيته نبضي الدافي وصار النبض مقبووووورهـ

:

:

ومد الكاس يوم إني قنعت إن اليدين شحاح ------

وأثاري كاسه لغيري / وجاد البوح عصفورهـ

:

:

قريت من الحروف اللي تثنت في حشاي رماح -----

قريت من القصيد اللي كساه العشق وشعورهـ

:

:

ملا كاسة خيال العشق شوق ٍ سلسبيل قراح -------

غفى لين ارتوى بالوصف والألحان مسحورهـ

:

:

كسى عشق قديم ٍ في غلاه من القصيد وشاح ------

ترجّل لين بركان العيون اجتاح بالثورهـ

:

:

عليلة والبلا لاصار طبي لمسة الجرّاح -----

نعاف الطب ونقول الجروح اليوم ماجورهـ

 

 

 

 

 

 

 

 

 

 

الحقيقة فخور جدا بشاعرة راقية بيننا واتمنى أن أكون قد أعطيتها حقها فهي تستحق أكثر من ذلك..!!

 

 

 

 

 

 

 

 

 

 

لا هنت يا عبدالله على أستضافة ( تاج الحلا )

واذا تسمحلي بان اسميها تاج القصيد على قصائدها

 

 

 

 

 

 

 

 

 

 

عبد الله التومي
اختيار موفق
ولي عوده
باذن الله

 

 

 

 

 

 

 

 

 

 

لاهنت يا عبدالله وأختيار موفق


صراحة تستحق اختنا الشاعرة ( تاج الحلا ) هذا التكريم وتسليط الضوء على قصائدها الرائعة


لك الشكر والتقدير يا مشرفنا المميز

 

 

 

 

 

 

 

 

 

 

المشاركة الأصلية كتبت بواسطة ولد غـفـل

لا هنت يا عبدالله على أستضافة ( تاج الحلا )

واذا تسمحلي بان اسميها تاج القصيد على قصائدها

ولا أنت يابن غفل


شكرا لمرورك وتاج القصيد تستاهل أكثر من هالمسمى

 

 

 

 

 

 

 

 

 

 

تسلم ااخوي
على جمعك لبعض قصائد الرائعه تاج الحلا

 

 

 

 

 

 

 

 

 

 

قصايد جميله

الشاعره راقيه وصاحب احساس رائع

شكرا اخي عبد الله على البــادره وطرح قصايد شاعرتنا

تقبل تحياتي

مشاري

 

 

 

 

 

 

 

 

 

 

انت رائع بماا اخترتة

وهي رائعه بما نثرتة


حضور وحرف جميل



طاب اختيارك ودام تواصلك