بسم الله الرحمن الرحيم
السلام عليكم ورحمة الله وبركاته
أسعد الله أوقاتكم بكل خير
جديدي واتمنى ان ينال على اعجابكم,,,,
/
/
/
الله من قلبٍ عنى البعد يكويه=ياجيت ابسقي به امل,, ينبت الياس!!
(الخل) في هذا الزمن صعب ترضيه=لو كانت ذنوبه .. بالا دماح تنداس!!
لو كل ماتملك من الحب تعطيه=يبقى بخيل ورافعٍ سهم الافلاس
(يادمعة الهوجاس) لو بسئلك ليه؟؟=يتعب سؤال الليل ماجاني احساس!!
شمع الحزن ياهاجسي من يطفيه؟؟=لاصار مالكني من الراس لساس
والدفتر اللي ينكتب مامضى فيه =ليته يجاوب كيف لاقن الانفاس!!
لو كنت مافكر واحاتي واناديه=ماصابني ,, من من بعده اليوم هوجاس
ولو كنت ماحسب رجعته ومتحريه=ماكنت ابرقب مزن الاشواق ياناس
ولو ماني مستغرب هوى البال ,, وشفيه=ماكنت احاتي واضرب اخماس باسداس
((ضلع العنى)) لوكنت ماجلس واسليه=ماكان ,, قلبي عايف اليوم جلاس!!
ولو كنت ماجاهد عنا البعد وارميه=ماكنت ابكتم عبرتي عند الاجناس!!
ولوبذبحه وافتك من اللي اعانيه=اكليب مايرجع ليا مات جساس
يانجمة الاسحار ماني معنيه=يومه يفارقني بلا بلاذنب واحساس
اول ماهل الليل / قلت الهنا فيه= وحتى انتصاف الليل مانمت ياناس!!
قلبٍ ضما ما تلفي امواج تسقيه=اكيد بانه للعنى صار نبراس..
(فج الفجر والشمس قامت تضويه) =ولانامت عيوني ولاحوله انعاس..
وسلامتكم,,
/
/
محبكم ,,,
/
/
ن
ا
ص
ر
الوبيـر
عنى البعد,,
العرض العادي
