اضع بين ايديكم هذه القصيده الجديده
واتمنى ان تنال على اعجابكم
الليل يسري والليالي سبوقه=وش حيلة السهران لوكان مجروح
مجروح يشكي والبلا في خفوقه=ليت الهوى ليت الهوى قال مسموح
مسموح كلمه والزعل وش يفوقه=ماني معودها على الناي والنوح
والنوح مافاد الحمامه وشوقه=لوهي بيدي ماتوانيت ياروح
ياروح طيف الحب صعبٍ لحوقه=واللي وقع في طيف الأحلام مطروح
مطروح لين الشمس يبدى شروقه=هذي نتايجها مهي ضحك ومزوح
ومزوح راع الحب ماهي صدوقه=من شان يطفي لاهبٍ داخل الروح
والروح صاغت من رجاها طروقه=تبدع من المسحوب ماردها البوح
والبوح من نوض اللي تلامع بروقه=سحبٍ من المنشا معه برق ويلوح
ويلوح يم اللي خذا القلب بوقه=لاحدن يلومن تارك القلب مفتوح
مفتوح قلبي ماأحسب أنه سروقه=أثره من اللي تسرق القلب وتروح
وتروح وبقلبي عساها شفوقه=على العهد يابنت الاجواد ماروح
ماروح وأعطي من نصاني حقوقه=وماخون لو أني على الحق مذبوح