كساب ابن غازي
في
محروت ابن هذال
اهبي هبيتي غربلتنا بشرّه .. برقيتن جابت لنا شين الاخبار
قالو تحضر والمعاليق فرّه .. دلت تصلفقني دواليب الافكار
فوق ادهمن كم ديرتن بي يمرّه .. يطوي بعيدات المشاوير سيـّار
يابو زبن فرقاك ياكود حرّه .. لو ماعرفتك كان ماصار ماصار
ياشبه حرّن من قنص به يسرّه .. عمال كفـّه لابرق الريش نثـّار
دولاب لولاب المراجل يفرّه .. قطاع بزاعن على الكود صبـّار
انشهد انك للمخاليق درّه .. عز القرايب والبعيدين والجار
كم حايلن للضيف راسه تطرّه .. يريف من جو تالي الليل خطـّار
صينيتن يوم الشبيلي يجرّه .. تلقى مواعين المساكين صدّار
المتقي والبينه ماتغرّه .. ياعاد شيخ وجامعن زين تدبار
قلته وانا ماريد منكم مبرّه .. مار انكم عند المخاليق تعبـّار