السلام عليكم ورحمه الله وبركاته
قصيده للشاعر كساب ابن غازي... رحمه الله ....ولكنها من اغرب القصائد ومن نوادر باب القصيد
انا آخبركم يالعوجان وشحيلتكم بالهويان الي عليل ووجعان على عسلوج الليال اهل خلي بعيدين
..
قالو علامك تصيح وقليبك يلفح لفيح ياخي ماتستريح ياشوق الغرو المليح حنا بالواجب صلفين
دور خلك يالعشير كانه بالمال الكثير ندفنهم بالدنانير ماهي مواشي بعير ندفن به فقر المسكين
..
حنا زعجنا البرقيه من بين الغيم ووطيه اسبق من رف الكدريه تقول المدن عليا ورجعت ماجابت شين
اركب ياراعي الطياره يامنك دست ابمسماره بالسما تسمع دنداره يام الاجانب ودياره خمتهم باول نهاره ورجعت ماجابت شين
..
حضرنا خمسين الحره وحدتهن يامنه فره هيجن تحدر مع حره عليهن غوش المسره ماهم بالشطه شاكين
خمسن راحن لشعلان يطون بعيد الديان وافترن على عمان داجن جميع الاوطان وارجعن ماجابن شين
..
خمسن راحن لابن امهيد قفن مع سهالن ريد طالع كتام بالحيد وارجعن ماجابن شين
خمسن راحن لابا القور قفن من عندي دعثور ساجن ماجن رف طيور ويدرن كثير النور ورجعن ماجابن شين
..
وخمسن راحن للجزيره تسمع صرير النجيره من ممشا دروبن عسيره ورجعن ماجابن شين
وخمسن راحن للحويجه الديره عرفن طريقه داجن فضاه ومضيقه كله من شان العشيقه ورجعن ماجابن شين
..
وخمسن راحن على شمر محلاهن الياصارن ضمر وحدتهن لابطت تعمر ورجعن ماجابن شين
خمسن راحن للظفير عليهن دلن كثير اليا جن بارضن محادير خطرن بعضهن يطير ورجعن ماجابن شين
..
وخمسن راحن يم عتيبه يقلن خلك نجيبه الغرو ضاف الذويبه لازم نشله غصيبه فوق النجايب نسريبه وارجعن ماجابن شين
وخمسن راحن للنجعان يطون بعيد الديان وافترن على الشويان وداج جميع البدوان وارجعن ماجابن شين
..
لفانا راع القعود الاسمر قليل الزود شين الحلايا المقرود شره كثير وماجود سلاحه قنات وسكين
يقول ابيك اتغديني وزهاب الفرجه تعطيني وعقب غداك اتوديني وادور موض الجبيني والخافي لازم يبين
..
هذا قعودك مجحود لامشى دلا ينود ضنت عقلي مابه فود من كثر ماهو مكدود مايلحق ضب البطين
هذا قعودي مشهاتي هو سعد عيوني ومناتي يوم الركايب سبحاتي اسبق من رف القطاتي يسبق ميه مع الفين
..
انت علامك حاقرني كل النهار تناجرني لو انك قبل خابرني لازم ملزوم تعذرني من مالك ماتخسر شين
قلت اهمز يعلك ماتعود من مالي منت متزود اخاف انك تتعب وتهود جعلك بالفرقا متجود دور ممشى سبع اسنين
..
كاني ركبت القعود برقن حدته رعود الظهر بارض النفود والعصر عند ابن سعود عند الطويل معشين
ركبنا زين المركوب ياحلو روج العبعوب ياروح مثل الهبوب دوجنا بديار الجنوب ولاهم عن خلك دارين
..
انا جيتك ياكساب فوق القعود الهذاب اركبته كل العذاب توي لقيتك كذاب اضنك تبي تهفين
ياتعبنا ماننساه هذا خلك لقيناه للركبي خمس اخطواه بايسر مركزكم جيناه تر بيته بين البيتين
الشاعر كساب ابن غازي ... رحمه الله ... انا اخبركم يالعوجان
العرض العادي
