قصة وقصيدة للشاعر فرج بن خربوش (60)بيت

[font=Arial Narrow][size=5][B][align=center]قصة وقصيدة للشاعر فرج بن خربوش الشمري رحمه الله

--------------------------------------------------------------------------------

في عام 1365هأ حصل بعض المساجلات الشعرية بين الشاعر محمد الحداري السليمي الحربي والشاعر عبدالرحمن بن معيتق العنزي رحمه الله وكان من عادة الشعراء في السابق اذا ارسل مندوباً الى شخص آخر عليه ان يذكر في قصيدته المنازل التى يمر بها مندوبه ويصف كرم اهلها ، لكن الشاعر عبدالرحمن بن معيتق العنزي وجه قصيدة الي محمد الحداري الحربي ولم يذكر بلدة الشاعر فرج بن خربوش الشمري رحمه الله في جبل سلمى مم اغضبه وجعله يقول قصيدة يعاتب فيها ابن معيتق على تجاهله لبلدة سلمى بلدة ابن خربوش وجماعته من شمر ويمدح قبيلة حرب ويعدد بعض شيوخها ورجالها المشهورين وتروي بعض آبيات هذه القصيدة بروايات مختلفة وفي اعتقادي المتواضع ان هذه الرواية هي اصح الروايات حيث وجدت مكتوبة من قبل حسن بن صالح بن ناقي نقلاً عن الشاعر ابن خربوش عام 1371هـ .

يقول الشاعر فرج بن خربوش الشمري رحمه الله



1 يا راكبًُ(ن) من فوق زين المشاديد** متحدر(ن) من روس عالي جباله
2 ممشاه من سلمى عطاها الرواعيد**الاجنبي وان جاه يعطي جماله
3 من جاه في سلم العرب بالشرف زيد**ومن جاه في حرب(ن) تعزز لحاله
4 من راس ابن خربوش ماهيب تقليد** من دار ذربين اللغى والجزاله
5 والنضو ركابه علي كيف ما اريد**لابن معيتق زاعجين الرساله
6 يهلي براع النضو قبل التناشيد**ريف الركاب اللي توامي حباله
7 ويقلط العاني بزين المقاعيد**ويسيح ند منفد البن باله
8 قل وش علم جيشك مر سلمى مسانيد**هل اللحيسه مكرمة من عنا له
9 ورك(ن) بوجه الهجن لا جن مصاعيد**قدامهن الوافين في كل حاله
10 الضيف يعطونه علي كيف ما يريد**ويقعدونه بي مكان الشكاله
11 علي النعي مثل المحوص المواريد**يحيون باللي فاض مع راس جاله
12 حب اللقيمي ميرهم مع نمى الغيد**وفنجال بن مونسه مع كماله
13 بدو(ن) تنفد غالي البن تنفيد**بدلال وارفاف(ن) طويل ظلاله
14 ذولا محادير(ن) وذولا مسانيد**يهلون بالرجلي وراع الزماله
15 شرقي جبل سلمى قرايا المساعيد**ملافظ الشريان ترهم شماله
16 جيشك تعدانا وياخذ تصاديد**دليل جيشك فوته من هباله
17 ومثلك يشيم عن كثير الهرابيد**والا نعرف الطيبه والفساله
18 معزبكم المذكور يا عل ما يفيد**يا حيف ليتك بارز(ن) به لحاله
19 على خلاك مسوي(ن) قد ما تريد**والا سكت ودامح(ن) له خماله
20 كل العرب فيها ختوش ملابيد**شخوص العرب ما تندمر من حثاله
21 حرب(ن) من القبلة الى ادنى تخاديد**ياما بحرب(ن) من رجال الشكاله
22 وياما بحرب(ن) من كرام صناديد**وياما بهم من مدركين الجماله
23 وياما بهم من مشبعين المراديد**شيوخ(ن) تنفد مالها دون حاله
24 معنا صداقتهم سنين سراميد**واع الثنا ما ينجزى بالفساله
25 ابن نحيت ينفد الملح تنفيد**من كون بقعا عندنا له جماله
26 مع شمر(ن) ورد على الموت توريد**أرخى على حوض المنايا حباله
27 ويوم المليدا شدد الحرب تشديد**مرقب غضي(ن) نشده وش جرى له
28 ربعه بنى سالم مشوا والجمل قيد **يوم ابو ضيف الله براي(ن) عبا له
29 وضيف الله شوق اللي نهوده مقاعيد **رخيص ما باليد ثقيل(ن) بحاله
30 ألين من الماهود ما به عواقيد **حلال قالات(ن) تلولس حباله
31 واخوان حسنا للمجوخ صياييد **بالسيف ردوا عند تالي ثقاله
32 في درب ابو جلال تلقى المفاريد **تشدى دروايش(ن) عنالدرب عاله
33 جلال شوق اللي طماحه تصاديد **مربوعة حشو المنقش جماله
34 ورد لجام السيف بالراس توريد **بيوم به الخفرات ترمي شياله
35 بني علي ربعه على كيف ما يريد **ترعى بهم شقح(ن) على الحمض ماله
36 واخوان نورة تكرم الضيف وتزيد **تورثوا باس المهادي وباله
37 يرعن بهم الزرفات فيض(ن) وتسنيد **مع حجرف(ن) سيف(ن) وراي(ن) برى له
38 وناهس صليب الشور عقب صناديد **عقب شيوخ(ن) تفرح اللي عنى له
39 وغالب ابن مقحم ذرى كل رعديد **زبن الحصان اللي توطا حثاله
40 إلي تعلوا طايعات المقاويد **كم من طموح(ن) قلدوها حباله
41 اللي قن بالحر صياد وايفيد **واللي قنص بالتبع عزى لحاله
42 وفيحان يثني دون شقح مواليد **وان ضيعت عقب الضبابة عياله
43 وكم سندت خيل المضايين تسنيد **ومن ذل فنجال الشرف ما مشى له
44 يا مال طوبى ماجد(ن) عندهن صيد **وجحيش والعبد المطرف برى له
45 كل نخبره بالثنا والتماجيد **ابن صميعر فرحة اللى عنا له
46 من دون ضيفه ورد النفس توريد **فكه من الحكام وارخص حلاله
47 عقيد عيرات(ن) تبوج البراريد **دار العدو لازم يدوج بجاله
48 نزه الشوارب عن جميع العواقيد **الله يحل الشايب اللي غدا له
49 وخلف ابن ناحل مضيفه تقل عيد **اللي عطىالزمال من حر ماله
50 ونافل ابن غميض يشريه ويزيد **راعي الخروف يربحه لا عنى له
51 والنعم بالناقي الى جا جويريد **تلقى الشبب ببيوتهم والشكاله
52 نفوسهم للضيف مابه عواقيد **أهل المليحا يوم جود عقاله
53 وزيدان ابن مطلق الى جن عراجيد **ذيب السمين اللي تعرم حياله
54 هدات حر(ن) طالع في جلا الصيد **صيده من الجزلات ما هي هزاله
55 ليا ما لقى ضان(ن) كرم بالمعاويد **مخيمر ابن مطلق صبي الجزاله
56 راع الكرم والجود بالفعل وايزيد **جعله لجنات النعايم نواله
57 ورباح ومحمد على كيف ما اريد **والمرجلة مسوا مثاني حباله
58 والاكر الطيب لربعه مقاصيد **ومن جث من خو(ن) تبين قباله
59 شيوخ حرب والكرام الصناديد **ذبيت عنهم يوم صارت شكاله
60 الطيب ان جيته يزودك تزويد **والحنظلي ما يقبلونه عياله [/align][/B][/size][/font]

ابــــــن برزان