الامير طلال بن عبدالله بن رشيد وما قيل فيه

أول قولنا نثني على الله=أن ينجينا من أشرار الخطاري
ويوصلنا اديار نمشيها=ويوصلنا مواكير الحراري
سلام عدد مزن ترزم=وماناضت ابروقه بالعذاري
سلام عدد ماهل وامطر=وما بعد المطر بالخد جاري
سلام عدد ما أنبت واخضر=وما يرعاه مال بالخضاري
سلام عدد ماكان يبذر=وما يذار وما يكراه كاري
سلام على المجلس جميع=مجلس حاكم فيه الصطاري
سلام على شيخ الشيوخ=ريف الضيف بايام العساري
سلام وقوك يا طلال=لطام المعادي ما يداري
طلال كما بدر تظهر=بليل النصف كن ليله نهاري
طلال كما نجم تحدر=الى صك الصفا حطه كساري
طلال كما حظف قريصه=ما يبريه كوي ولا قراي قاري
طلال على الحربي عذاب=ياخذ المال وايتام الذراري
وقالوا مات عبدالله وماتوا=كل من به جن خماري
وشب الحرب من عقبه طلال=ساس الجود ما خذها عواري
ارخا السيف لين الكل دنق=وخلا الطير تبع للحباري
من الحره وادي المجره=ما يرعى بها قوم تحاري
أحد انهزم واقفا وراح=واحد يدخله دين البخاري
سناعيس ومقدمهم طلال=سيف الهند بتار العتاري
سناعيس الى وردوا صيام=يسقون العدو كاس المراري
سناعيس الى كثر الطريح=احد ميت واحد يثاري
سناعيس وما معهم قصير=كود ارماحهم هي والهواري
سناعيس اهل طاس ودرع=وامن الجوخ خالطها حماري
سناعيس اهل جيش وخيل=سناعيس اهل عكف الشباري
سناعيس الى بار العميل=الى سرى بهم قالوا عثاري
سناعيس الى صاح الصياح=وركبوا من على قب الامهاري
وكم من حلة تمسي بخير=ما جاها من المحذور طاري
فلما اصبحت جاهم طلال=وسيف العز يمشي له يباري

 

 

 

 

 

 

 

 

 

 

عــــز شمــــر: صـــــحـــ لسانـــــــكــــ ولسان الشاعــــر/فـــــــواز الـســهــلــي رحمه الله..




وانا ارجوا التثبيت ايضا ,, قصيده تاريخيه,, وتستحق التثبيت

 

 

 

 

 

 

 

 

 

 

اخوي اورنس صح بدنك يابعد حيي

ولاهنت ع مرورك الكريم

 

 

 

 

 

 

 

 

 

 

طلال لو قلبك حجر او حديدي=أمداه من حامي وطيس الوغى ذاب
شبيت في نجد بنار الوقيدي=واحرقت فيه اعداك وعزيت الاصحاب
واكسيت ملكك ثوب عز جديدي=وسليت حد عداك يا عز الاقراب
بحرب وضرب شاب منه الوليدي=مالوم من عاداك يوم ولا شاب
تلقى الخطوب إبأس ليث شديدي=وعزايم عزت على عمرو وشهاب
أحييت شجاعة خالد بن الوليدي=وانسيت قالات لابي زيد وذياب
لو كان عمرو بن معد الزبيدي=حي لجا بحماك يا زاكي الانساب
يا اولاد عمه كاسبين المديحي=شمر ينابيع الصخا حصن الاطلاب

 

 

 

 

 

 

 

 

 

 

صح لسانك اخوي بندر ولسان الشاعر السهلي
دايما يالبناخي تتحفنا بمواضيعك الرائعه

تحياتي لك

 

 

 

 

 

 

 

 

 

 

ياهلا وغلا بالبناخي احمد الله يسلمك

ولا هنت ع مرورك الكريم يابعدحيي

 

 

 

 

 

 

 

 

 

 

الله لايهينك ياعز على القصيده

وصح لسان الشاعر

الله يرحم الأمير طلال

وعسااك على القوووه

دمت لنا شعّـــاع

 

 

 

 

 

 

 

 

 

 

اخوي نايف لاهنت يابعد حيي ودمت لنا سالما ومعافا


وشكر لمرورك الكريم ياابن العم

 

 

 

 

 

 

 

 

 

 

ياحبيبي والله يالمرجف

عز الله انك كفو يابعد حيي

وشكرا لمرورك الكريم ياابن العم

 

 

 

 

 

 

 

 

 

 

الف شكر لكم ع التثبيت

وانا انشاء الله سوف اعدكم بالمزيد عن حياة هذا الامير رحمه الله

والقصايد التي قيلت فيه


وتقبلوا تحياتي