الله خلقني ساميه للمواجيب=شيخه ضهرمن لابتن زوبعيه
خيل الاصايل ثابته للمناسيب=ماهي كدايش خيلكم جرهديه
ربعي هل الطولات كسابة الطيب=وفعالنا يابنت ماهي خفيه
يوم الملاقا بسيوف المحاديب=عدونا يشوف ضيم الااذيه
يوم السنين الماضيه والواهيب=نشعل بكبد المعتدي نارحيه
تاريخنا من دورهارون وشعيب=حشنا المراجل والعلوم الزكيه
موارث الجربا حصان الااطاليب=الابة اللي ماتهاب المنيه
ربعي هل النخوه رجالن غواليب=اليا انتخو باالابة الزوبعيه
يركون في كبد المعادي كواليب=ان ثارعج الخيل والنارحيه
من جالهم باالطيب جازوه باالطيب=دخيلهم ماجاه ضيم ورديه
يابنت ياالي كل هرجك طباطيب=عندي لمثلك ياالبنيه وصيه
نصحيتي تجنيب الااوهام تجنيب=مني لمثلك ياالبنيه هديه
الحض ماينباع سلعة جلاليب=توقعي مابين روحه وجيه
من لاهتدى يذوق مرالمشاريب=مخصورماله باالملاقابليه
نصيحةٍ من رمش بنت المناجيـب=بنت الشيوخ الـي تكـرم خويـه
يابنت حنا في ضلال المعازيب=ضفو شتات الشعب عن كل سيه
بضلال اخونورة مهدي الاصاعيب=ويقصريدين الي طوالن يديه
خلا الغنم تاكل وتشرب مع الذيب=الله يديمه ياحلو ظل فيه
من خالفه يشوف ضيم العواقيب=يحكم على الجاني بسنة نبيه
والحمد للمولا جزيل المواهيب=الكل منا عاش عيشه هنيه
ويابنت مانقبل هروج العذاريب=ولاكل نضرات الخلايق سويه
شيخه ضهرمن لابتن زوبعيه.........................!!
العرض العادي
