حب حايل
--------------------------------------------------------------------------------
01-08-2012 10:18 pm
شاعر هذا الاسبوع الشاعر غنام الهمزاني وقصيدة بعنوان(حائل).
عزالله انه هزن الشوق بالحيـــــــــل =وعزالله انه هزني حـب حــايـــل
اشتقتله شوق المواليف لليــــــــــــل =او شـوق شـمر للكرم والاصـايـل
المشكله مشتاق لأهـــل المعـاميــــــل =شوق الوفاء والجود لعــيال وايل
ياحسرة اللي ذاق من بُعده الـويــــــل= واهـل الكرم ياكثرهم بالقــــبايل
اشتقت لأهـل الجـود وأهـل التعاليـــل =واهل العلوم الطيبــــات الأوايــل
يهزني شوقي على الذكر وآمـيـــــــل= حب الوطن بالقلب سوى هـوايــل
أوفيتله وفاء هل الحق للكيــــــــــــل =لاتسئلن مافيه غيره بـدايــــــــــل
احنله واشتاق وابعث مراسيــــــــــل= واكتب لها بشريان قلبي رسايـــل
وشف كيف دمع العين ينزل همـاليـل= من حبها دمعي على الخد سـايـــل
اعوذ بالله واللتجيله عن الويـــــــــل= ويالله سترك مانقوم بجمـــايــــــل
وقريت سورة نوح مع سورة الفيـــل =ويالله دخيلك مابيديني وسايـــــــل
لك اللتجي يامحيي القاع بالسيـــــــل =جور الغلا والهم ماهو بزايــــــــل
اشكي عليك الجور واشكي لك الميــل= ولك اشتكي من جاير الحظ مايــل
وعديت بشهور السنة آب وأبريـــــــل =كملتهن حولين عندي دلايـــــــــل
في غربتي عطشان لو اشـرب النيـــل =ماترتوي كبدٍ تبي مـي حـايــــــل
صحيح راعي الحب مثل المهابيـــــــل =وصحيح جور الحب سوى مـلايـل
وحفضت نفسي عن هل القال والقيـــل =ابي العلوم الغانمه والنفايـــــــــل
ابي علومي نفحته نفحة الهيـــــــــــل= عند الرجال وعند كل الحمايــــــل
ياالله إتثبتني على الحق ماعيــــــــــل= بالنفس نوب إبليس يفعل فعايـــل
ماراح راح ونطلبك للمقابيــــــــــــــل =انته تدوم وباقي الخلق زايـــــــل
الملتجي لك حيل له تبعد الويـــــــــــل= يوم الحساب ويوم دفن النثايــــل
يومٍ ماللخلق فزعه وتأويـــــــــــــــــل =فزعتك يوم آتيك لذنب شايـــــــل
جيتك وانا ياخالقي ذنبي آشيـــــــــــل =جيتك ندم والذنب يارب هايـــــــل
جيتك وكلي سبحنه فوق تهليــــــــــل =جيتك واشوف الشين بالزين مايل
باسمك بديت السبحنة فيك تجليــــــــل= واطلب عساي إرضاك يارب نايــل