قصيده للشاعر/مقبل عيد الشمري/ وهي اسناد للشاعرعبدالله السلمان الشمري
سرياقلـم سجـل بيوتـاً طرايـا=بدع القوافي رغبتي وتحضيـره
نبع القريحـه ماخذيتـه حذايـا=مادارفي جاشي للسانـي خفيـره
وابسنـد المعنـا لناسـاً هوايـا=على القوافي والعلـوم السفيـره
لعبدالله السلمـان زبـن الونايـا=الشاعر الي يعجبـن بتعبيـره
هاك الهديه وان قبلـت الهدايـا=اقول لـك مشكورماريـد غيـره
واناعلـى ردك ورودي ضمايـا=عسى يكون بعاجـل الردخيـره
واشرح لك المقصودماهي غطايا=ماثـارت البنـدق بليامثـيـره
وش يزعل الي مازحمله رعايـا=ياعاد ماجبنـا لطاريـه سيـره
ناساً بليا اسباب اشوفـه طنايـا=على الخلى والبعد تسمع زحيـره
المشكلـه لوالطراقـي سـرايـا=يمكن تصيرلقوم هجرس معيـره
راح الوفى والنصح مالـه بقايـا=وراح الصخى والجود غير مسيره
وراح الحياء والصدق ماله تلايا=وراح النقى والكذب حل بجفيـره
وقل الاْدب والطيبيـن الضحايـا=ياصلك شر الناس من قبل خيـره
وصارالحسد والبغض بين البرايا=والليوم حتا الجار يكره قصيـره
تغيـرة حتـى اللسلـوم بنوايـا=سو الضنون الحقد مهفي ضميره
غطا على الحسنات كثر الخطايـا=عم الحسد واحرق سلوك الضفيره
الخبث خرب صالحيـن السجايـا=اثرعلى شرب الـزلال الخميـره
ناساً على الخيبه تحث المطايـا=كلن على ماشـاف ايهـد طيـره
والله ياناسـاً يبحثـون الخفايـا=تقل بصرفـات الاْوادم خشيـره
اللي مثل صفه وجيـه العطايـا=من غيرقل العرف عمي البصيره
حتا الخشاش اللي عضامه خوايا=اشوف به مع شين الاخلاق غيره
ناساً على ناساً تزيـف قضايـا=تضحك بوجهك والنواياء خطيره
ياقبلت هلوبـك بزيـن التحايـا=وين انت وشلونك عجيب اتعبيره
وياقفيت عنهم للمسبـة ضرايـا=بعراض خلق الله سنونه شطيـره
تقـل علـى ذريـة ادم ولايــا=والي صغيره يودعونـه كبيـره
لو انت غافل جاك شر الشضايـا=يامدور الحرفات خف السريـره
وعلى النجاسة والعانـه روايـا=والكل منهم داشرن بـه بعيـره
هاذي بشرتدخل بوسـط الخلايـا=ناسن تبي فرقا العشيروعشيـره
مال الوفى ياخوي باقـي سمايـا=قضا الشرف ماعاد باقي ذخيـره
هاذى زمانن فيه شيـن الحكايـا=وقتن يحير كامل العقـل حيـره
وقتن علينا بـه شطـط بزوايـا=وخلا الخشاش احرارفي كل ديره
وخلا الحصاني ياكلـن الشوايـا=والذيب يطرد ليه هـاذي بهيـره
والنيص يترك بين خضر الودايـا=والنمرمايخـلا يطـب الجزيـره
اموركلـه يافهمـتـه دهـايـا=لاكن مرد الماء يعـود لمحيـره
والحر مابه مـن الحديـا حلايـا=الفرق واضح يوم عينـك تديـره
اللي مثل صفة وجيه العطايا
العرض العادي
