دام ان صحبة صاحبي لي مغثــه = والله ماادخلها ولاادخل طرفهــــــا
مادام مابه فايده لو نحثــــــــــــــه = راح الصبر مادام كلٍ عرفهــــــا
لو الغلا بالقلب لازم نجـــــــــــثه = اكثر علومه فاهمين هدفهـــــــا
ماني هبيل ارجوك ماني برثـــه = عقلي صعيبات العلوم يعسفهـــا
ماني من اللي كل هرجٍ يبثـــــــه = ولاني من اللي سالفته يحرفهـا
ادرى الردى وابي انتقد من ينثه = عيبٍ على من شالها واقترفهـا
بذر الردى وداعتك لاتكــــــــــثه = الحنظلة خسران منهو قطفهـــا
قثه وقل للقلب لازم يقثــــــــــــه = علوم المراجل بالرجال نعرفهـا
الشاعر غنام الهمزاني