السلام عليكم ورحمة الله
ابيات ارجو ان تنال استحسانكم ولكم تحياتي
لابغيت الهرجـة اللـي تناسبنـي غـدت = وان بغيت اضحك واسولف نسيت السالفه
من هجوس(ن) في فوادي تناشت وارعدت = وامطرت فيض الشوارد وجـت متوالفـه
ماتصدر غير رويـا مـن المـاء لاوردت = مثـل شجعـان علـى الطائلـة متحالفـه
منهـا اخلـي مجلسـي للمهبـل لاقعـدت = ليااجتمع به راس عرجا وراس الضالفـه
ما اتحرا فـي دقـاق السوالـف لابـدت = يحتريهـا الثـور الاربـد علـى معالفـه
لاتولاهـا ردئ النصـيـب اتسـرمـدت = وقام يوشيها يوم ان البخـت مـا حالفـه
عيد كان اديـار نقالـت الهـرج ابعـدت = ما يعيشون الا بجمـع الهـروج التالفـه
اعرف ان كل الليالـي حوامـل لا ولـدت = كل يوم (ن) تاخـذ اللـي تبـاه وذالفـه
وكم على وجه البسيطة رجاجيـل عـدت = واصبحوا تحت الزرايـب عظـام تالفـه
واعرف الدنيا وياما على الكبـد الهـدت = لو صفت في حال كـل الحـوال مصالفـه
ودي انسى كل شـئ اليـا رجلـي بـدت = براس رجم كثر ما ارقاه صـرت اموالفـه
انحروا بي يم مبـدا النجـوم اليـا بـدت = حيث قلبـي والـدروب الخـلا متوالفـه
ايتوسع خاطري وسع الارض اليا جـردت = مع رفيق(ن) ما يخالف وانا مـا اخالفـه
سولف وسولفت والنفس مع هرجه هـدت = ثم ذكرت الهرجه اللـي غـدت والسالفـه
.gif){kind=icon}
السالفة والهرجة الضائعة
رد: السالفة والهرجة الضائعة
العرض العادي
