اسعد الله اوقاتكم بكل خير
وكل عام وانتم بخير وصحه وعافيه
الشعر بوح وقالوا الصدق منجاه =ياهل العقول الراسخه والذكيه
اللي يشوف الناس بعيون ماخفاه = في عين طبعه نظرته جانبيه
كانه على المظمون ما تمشي اخطاه =يالقى المظاهر ليلةٍ سرمديه
والبندق اللي ثورة داخل اخباه =منهاالسوالف نوخة بالمطيه
كنه مع الاحزان تمشي مباراه = بين الحروف الطاهره والنديه
ارفق بحالي لاتجيني على الاه =وضيع انا والشعر بالمهمهيه
ازعل اليامنه تلعثم محاباه =وافرح ليا منه تغلا شويه
بيني وبينه نبرت الود ملغاه =وشلون مدري بس مثل الهديه
سافرت من شانه مع الشعر مشهاه =وبنات فكري مابهن مرحميه
خلني افطن للبيوت المبناه =اللي تعلن بالنوازي العذيه
مني عليها طولها يوم انا القاه =رجلٍ يعد الصدق بين البريه
من غير قاصر بالرجال المسماه =اللي لهم كل احترام وتحيه
عذري باني ما ترددت لانخاه =ابيه يفطن له وينجض اشويه
قصيدةٍ لخصتها به مناجاه =بيني وبين اللي خذته المنيه
عسى المطر يسقي ترابٍ تعلاه =ويرجع الدارٍ نارها دوم حيه
حمودالعرادي