=أسعد الله صباح / مساء الجميع .. بكل خير
يا ابوفهد جتْك القوافي زماليق=اسمح لي اكتب لك شعوري بالالحان
للشعر شاعر في قوانين الاغريق=حطمه ابن ثابت و قانون حسّان
واهل القصايد بين غرب و تشاريق=ناسين مت ناسين .. رابح و خسران
أحدٍ بحر موجات شعره صوافيق=واحدٍ زَهَر .. يتجاذبه كل بستان
وقصايدن ما بين قصٍ و تلصيق=باحساس غيره ودّه يصير فنان
كذبة عيونه من سهر جفنه تفيق=وهو كما دب الشتاء دوم نعسان
مثله يبي فحصٍ و يحتاج تدقيق=يمكن يكون انسان في صورة انسان
بطاقة التعريف من دون تعليق=وفي خانة العنوان ما فيش عنوان
واحدٍ يساوي بالورى له مخاليق=في مستواه يعادل اشكال والوان
كتبت له من مقند الراس ماطيق=ولو اكتبه ما يكتفي فيه ديوان
قامت تسابق للعرادي طواريق=من شاعر الغربة وفاءً و عرفان
عهدٍ على اللي يعرفون المواثيق=حيث الوفاء من سالف الوقت يافلان
يابن الكرام المكرمين المطاليق=ويابن الأكارم و الأكابر كحيلان
لك هامةٍ تقصر لها قمة طويق=يا قمة القاعد واجأ وام سنمان
ساعة من اوقاتك ترا ماهي تعيق=تشرفن .. تاخذ من البن فنجان
=ردي على فهد
حي البيوت اللي لفني مساويق=من شاعرٍ يعطي علا القول برهان
يا مرحبا ترحيبةٍ تبعد الضيق=ويا مرحبا ترحيبةٍ شانها شان
بالصاحب اللي مايجيب التلافيق=استاذ شعر وفي مواقيفه احصان
وكان القصايد صار به نوع تنسيق=اللي يطيع مجمع الحكي غلطان
يابو حنان الامر مايبي تبريق=كلٍ يشوفه خص نصٍ بالاعيان
واهل الردا بالوصف مثل الغرانيق=يعيفها من ريحها كل طنيان
ولافيه داعي نسخ ولافيه تلزيق=من هاجسٍ ياخذ من الشعر عنوان
كم حاجةٍ اشوفها نوب ما تليق=ولاهو ضروري نجعل الجو دخان
وكم واحدٍ وده علا الخافق ايويق=يبي يتشفى مابها نية احسان
وان كان ما معها من الله توفيق=ماله طعم تبرد علا كبده احيان
واللي عليه احروف شعري مفاتيق=هذاك ذابحني ونا فيه هيمان
غروٍ يتل القلب هو والمعاليق=ونا علا شوفه من العام عطشان
اللي على شانه تفتح مغاليق=هذاك منوة خاطري يابوحنان
يالله بسترك يوم به ينشف الريق=انا وغيري به من الناس عريان
نهار فيه ايفتحون الصناديق=كم واحدٍ فرحان وكم فيه زعلان
=ودمتم
.gif){kind=icon}
رد على قصيدة فهد بن رميزان
رد: رد على قصيدة فهد بن رميزان
العرض العادي
