فاض جاش الدغيري بالقراح الزلال

بسم الله الرحمن الرحيم
الشاعر/ مشعل عسام التريباني الشمري
((هاض جاش الدغيري بالقراح الزلال))في16\9\1435هـ

هاض جاش الدغيري بالقراح الزلال=ريهجان الضمــــــــاير فاض منه الغدير
فيض الافكارمنــــي يعشق المستحال=والقط الدرلو هو وســــــــط بحرن غزير
اتحدى بحور الشـــــعر شرق وشمال=فـــــــي بحور الفرزدق مع قوافي جرير
انظم الدرالاصلي في ســـلوك الخيال=وانثر المسك الاصلي من عطور النظير
مارضينا بشـــــــعرن مايجي بالكمال=مـــــايطـــول الجزايل من ذراعه قصير
ســـــــبّق الخيل تظهر في نهار القتال=فوقهن كل شبلن بالفراســــــــــــه جدير
صاطين صـــــــيرميّن له فعولن تقال=مخلبه يوم يهـــــــــوي بالاعادي شطير
الاجابات توضع حسب وضع السـؤال=ماتجود الايادي مـــــــــــن حلال الفقير
ومن يطيل الســـجود ويرغب الابتهال=يطلب الله نجاته مـــــــن نفس زمهرير
يعـــــــــــرف ان االاوادم كلها للزوال=مايفيد ك قدير و لا يضــــــــره حقير
وعاتق الادمـــــــــي يأبا يشيل الثقال=مايحاســـــب كبير القوم لاجل الصغير
ولايصيرالصحيح ســوات نسج الخيال=ولاتســــاوى رحيق الشهد والقمطرير
والولد مايعاقب فــــــــي فعال الخوال=ولاتشـــــــيل الزرافة مثل حمل البعير

 

 

 

 

 

 

 

 

 

 

اتحدى بحور الشـــــعر شرق وشمال=فـــــــي بحور الفرزدق مع قوافي جرير
انظم الدرالاصلي في ســـلوك الخيال=وانثر المسك الاصلي من عطور النظير
مارضينا بشـــــــعرن مايجي بالكمال=مـــــايطـــول الجزايل من ذراعه قصير
ســـــــبّق الخيل تظهر في نهار القتال=فوقهن كل شبلن بالفراســــــــــــه جدير

كفو يابوعبدالرحمن قول وفعل وصح لسانك مــــدد وبيض الله وجهك
لك التحيات والتقدير على تواصلك المستمر وإبــــــداااعك
لاعــــــــدمنا وجووودك.

 

 

 

 

 

 

 

 

 

 

اخوي ابو طارق الشمري
شكرالك على المروروالاطرى الله لايهينك يابو طارق

 

 

 

 

 

 

 

 

 

 

مارضـيـنـا بـشـعـرن مـايـجـي  بـالـكـمـال

مايطـول الجـزايـل مــن ذراعــه  قصـيـر

سبّـق الخيـل تظـهـر فــي نـهـار  القـتـال

فوقهـن كــل شبـلـن بالفـراسـه  جـديـر


_____________

صح لسسسانك شاعرنا "مشعل"
هالابيات الجزلةة ..وربي يعطيك العافيةة ع هالنظم الراقي





تحياتي لسسموگ

√

 

 

 

 

 

 

 

 

 

 

مشعل التريباني

ابدعت يالتريباني بهذه الدرر المنتقاه صح السانك الـــف

لاعدمتك

 

 

 

 

 

 

 

 

 

 

شكرا للجميع على المروروالاطرى الله لايهينكم جميعا