ابي من الموجز أقول أوضح القول=لعل في قولي عن الزور مضهار
قول من المعقول ياقيل معقول=يفهم معانيه فهيم بالاشار
الوقت طال وطايل الوقت مايول=الله يكافي من بلاويه لادار
عديت بالحسبان لين امحل الحول=وشفت الشواهد والدلايل بالادوار
هذي هي الدنيا مياهيف وارحول=يما ابحلت من ساطي بالزمن سار
من جد فيها جاد له كل منفول=وغنت له الورقا على روس الأشجار
ولابد عقب ماهو بالفي مآهول=يشوف من ضيم الليالي له امرار
ياصاحبي ان كان بالوضع مقبول=نبي على جاله نجابه ونختار
انا اللذي شفت المآسي على دلول=وصديت عنها وابي اجازيها الانكار
لو كان ماني يافتى الجود ناذول=الله جعل للمتعض منهج اخيار
يقداه والدنيا من عمول لعمول=فيها نقا وافين واقباح واشرار
والناس ماتفرق سوا بغير منفول=من عهد ماضين السلف صيتهم صار
ومن لا ذخر من درس الأيام ماجول=تذهب حياته بين باير وبوار
ما أقول عن ماضي زمان غدا افصول=أقول عن بورة صدف عالم اغرار
الوقت بين لي فواهيم واجهول=وفيه افتكرت وشفت نوهات الأفكار
خذيت من مهدف زمانه لي كمول=ولاعاد يوم شفت به بعض الاسبار
ماله من الشكوى من الحق معقول=وماله من الميجاد ياغير الاضرار
ودام اننا لابه ورمح ومصقول=على الله الخالق مقادير الاعمار
عسى لنا حظ تعلا على الطول=في نايف راسه على الحيد جبار
واقبل سلام باخر القاف مرسول=عداد ماهلت من الغيم مدرار