قصيده عطيه الغذيان رحمه الله يوم انسجن وفي الخمسينات من القرن الماضي كانت من
اصعب الامور ان يسجن البدوي وهو معتاد ان يكون حراً عزيزاً وقال هذه الابيات ينخا من كبار شمر
راكب من عندنا فوق سوهاب = برق تحدر مع نوازي دويه
فوقها غلام كامل العقل والناب = يدور ابن عاشق محاري صفيه
داعيك يرجي واقف تقل حساب= ياشوق من قرنه على المتن طيه
انخاك تفزعلي تدعي بالاسباب= وتنخى من يشهاك ومن لك وليه
اول سلامي وصله يم نهاب = حيثه خوين مايخلي خويه
قله اخوك بالدنيا بحبسن ورا الباب= الحارس الداخل تومر عليه
وثاني سلامي يم زوبع والاحباب= وربعي هل العليا حماة الونيه
وانخا ضنا معلا عطيبين الاضراب= حنا لهم وهم لاهلنا حضيه
وانخ ابن سعدي منيس فن ولولاب = وانخ الغشوم اللي بهم هاشميه
كان ابو محمد سعالي بالاسباب = نخا ابو ظاهر واتصل بالشفيه
ثم انخ شمر كلهم هم والاقراب = وين القعيط اللي به الغايريه
وينكم يامهديه كل الاصعاب = الحبس لوهو حي محبس عطيه
ظليت مثل الميت مقطوع الاوجاب = لحدن يعشيلي ولالي ضحيه
غير الوغيد اللي ذكر بالاهباب = طفل صغير مابلغ بالدعيه